Live Updates

ایشیا کپ سے قبل کوچ مائیک ہیسن نے کھلاڑیوں کو ’بلائنڈ فولڈ چیلنج‘ دیدیا

جمعرات 11 ستمبر 2025 17:35

دبئی (اُردو پوائنٹ اخبارتازہ ترین - این این آئی۔ 11 ستمبر2025ء)ایشیا کپ سے قبل پاکستان کرکٹ ٹیم کے کوچ مائیک ہیسن نے کھلاڑیوں کو بلائنڈ فولڈ چیلنج دے دیا۔ پاکستانی کرکٹ ٹیم جہاں ایشیا کپ کی تیاری میں مصروف ہے وہیں دوسری جانب ٹیم کے کوچ کی جانب سے کھلاڑیوں کو نئے چیلنز بھی دیے جارہے ہیں۔

(جاری ہے)

گزشتہ روز کوچ مائیک ہیسن نے کھلاڑیوں کو ’بلائنڈ فولڈ چیلنج‘ دیا جس میں آنکھوں پر پٹیاں باندھ کر کھلاڑیوں کو میدان میں اتارا گیا اور ان کے سامنے ہدف رکھا گیا کہ کبھی گیند ڈھونڈیں توکبھی پانی کا گلاس تلاش کریں۔

بلائنڈ فولڈ چیلنج میں رہنمائی کے لیے ساتھ ایک ساتھی کھڑا ہوتا جو آواز سے بتاتا کہ چیز کہاں ہے لیکن مزے کی بات یہ کہ کچھ ساتھی مددگار نکلے اور کچھ شرارتی، کسی نے قریب پڑا ڈسپوزیبل گلاس پاؤں سے دور کردیا تو کسی نے رہنمائی کرتے ہوئے الجھا دیا۔