Live Updates

سلمان علی آغا گردن کی تکلیف کے باعث پریکٹس سیشن میں شریک نہیں ہوسکے

جمعرات 11 ستمبر 2025 17:35

دبئی (اُردو پوائنٹ اخبارتازہ ترین - این این آئی۔ 11 ستمبر2025ء)ایشیا کپ 2025 کی تیاریوں میں مصروف پاکستان کرکٹ ٹیم نے دبئی کے آئی سی سی اکیڈمی میں بدھ کی شام بھرپور ٹریننگ کی تاہم کپتان سلمان علی آغا گردن کے کھچاؤ (اسپاسم) کے باعث مکمل طور پر پریکٹس میں حصہ نہیں لے سکے۔سلمان علی آغا ٹیم کے ہمراہ اکیڈمی تو پہنچے لیکن گردن پر بینڈیج باندھے نظر آئے۔

حرکت کے دوران ان کے چہرے سے درد کے آثار صاف جھلک رہے تھے۔

(جاری ہے)

کھلاڑیوں نے وارم اپ کے دوران اسٹریچنگ اور فٹبال کے ذریعے اپنی تیاری جاری رکھی مگر کپتان نے احتیاط برتی اور مشقت سے گریز کیا۔پی سی بی کے میڈیا منیجر کے مطابق سلمان علی آغا کو گردن میں صرف ہلکا اسپاسم ہے اور فٹنس کے حوالے سے کوئی بڑا خدشہ نہیں۔انہوں نے وضاحت کی کہ کپتان نے ٹریننگ سیشن احتیاطاً نہیں کیا لیکن جلد ہی وہ ٹیم کے ساتھ بھرپور انداز میں ٹریننگ کریں گے۔ٹیم مینجمنٹ کو امید ہے کہ سلمان علی آغا آئندہ میچز کے لیے مکمل طور پر دستیاب ہوں گے۔