رائے ونڈ میں عالمی تبلیغی اجتماع 6نومبر سے شروع ہوگا

جمعرات 11 ستمبر 2025 13:20

رائے ونڈ(اُردو پوائنٹ اخبارتازہ ترین - این این آئی۔ 11 ستمبر2025ء)رائے ونڈ میں عالمی تبلیغی اجتماع 6نومبر سے شروع ہوگا،دنیا بھر سے لاکھوں افراد اجتماع میں شرکت کریں گے ، امسال اجتماع دو حصوں میں ہوگا۔تفصیلات کے مطابق تبلیغی جماعت کا سالانہ عالمی اجتماع کا پہلا مرحلہ 06نومبر بروز جمعرات کو بعدا زنمازِ عصررائے ونڈ سند روڈ پر وسیع و عریض میدان میں شروع ہوگا اور9نومبربروز اتوار دعا پر اختتام پذیرہوگا،پہلے مرحلے میں دیر، باجوڑ، بونیر، چترال، سرگودھا، خوشاب، بھکر، میانوالی صوبہ سندھ کے تمام اضلاع (علاوہ کراچی)راولپنڈی، اسلام آباد، چکوال، جہلم، اٹک، کشمیر کے تمام اضلاع، لیہ، مظفر گڑھ، بھکر، کرک کے اضلاع کے کارکنان شرکت کریں گے جبکہ دوسرا مرحلہ 13 نومبر بروز جمعرات کو شروع ہوگااور 16نومبر بروز اتواردعا پر اختتام پذیرہوگا،دسرے مرحلے میں گوجرانوالہ، گجرات، سیالکوٹ، نارووال، منڈی بہاالدین، شیخوپورہ، حافظ آباد گلگت بلتستان کے مکمل اضلاع، مانسہرہ، ایبٹ آباد، ہری پور، کوہستان، بٹگرام، بہاولپور، بہاولنگر، رحیم یار خان، لودھراں،کوہاٹ، بنوں، اورکزئی، کرم،مردان، صوابی، مالاکنڈ جنوبی کے اضلاع کے افراد اجتماع میں شرکت کریں گے ۔

(جاری ہے)

اجتماع گاہ کی تیاری کا عمل اگلے ماہ شروع ہو جائے گا۔امسال اجتماع میں 10لاکھ افراد کے قیام وطعام کے انتظامات ہوں گے ۔دنیا بھر سے لاکھوں افراد دس روزہ اجتماع میں شرکت کریں گے،پاکستان ریلوئے اس موقعہ پر خصوصی ٹرینیں چلائے گا،اجتماع ایام میں تمام نان اسٹاپ ٹرینیں رائے ونڈ جنکشن پر رکیں گی ضلعی انتظامیہ سمیت دیگر اداروں کی جانب سے پنڈا ل میں خصوصی کیمپ لگائے جائیں گے،واپڈا کی جانب سے اجتماع گاہ کو بلا تعطل بجلی کی فراہمی کیلئے تین فیڈرز اور خصوصی جنریٹر بھی اہتمام ہو گا،شرکا اجتماع کو پنڈا ل میں داخل ہونے سے پہلے واک تھرو گیٹ سے گزارا جائیگا،مشتبہ افراد کی نگرانی کیلئے پنڈال سمیت اہم مقامات پر کلوز سرکٹ کیمرے نصب کئے جائیں گے۔

Facebook Twitter Google + Share on Whatsapp

رائے ونڈ میں عالمی تبلیغی اجتماع 6نومبر سے شروع ہوگا

متعلقہ عنوان :

مزید قومی خبریں