Live Updates

غیر ملکی سفارتکاروں اور خارجہ مشنز کا نیشنل ایمر جنسیز آپریشن سینٹر کا دورہ ،حالیہ سیلابی صورتحال اور امدادی کاروائیوں کے حوالے سے بریفنگ دی گئی

جمعرات 11 ستمبر 2025 21:35

اسلام آباد (اُردو پوائنٹ اخبارتازہ ترین - این این آئی۔ 11 ستمبر2025ء)غیر ملکی سفارتکاروں اور خارجہ مشنز نے این ڈی ایم اے میں نیشنل ایمر جنسیز آپریشن سینٹر کا دورہ کیا ،30 سے زائد غیر ملکی سفارتکاروں کو حالیہ سیلابی صورتحال اور امدادی کاروائیوں کے حوالے سے بریفنگ دی گئی۔ترکیہ، آسٹریلیا، روس، جرمنی، جاپان، کینیڈا، جنوبی افریقہ، پولینڈ اور آئرلینڈ سمیت متعدد ممالک کے سفیروں نے شرکت کی ۔

چیئرمین این ڈی ایم اے لیفٹیننٹ جنرل انعام حیدر ملک نے متاثرہ علاقوں میں ریلیف اور ریسکیو اقدامات پر تفصیلی بریفنگ دی ۔

(جاری ہے)

این ڈی ایم اے کی جانب سے صوبائی و علاقائی اداروں کے ساتھ مربوط حکمت عملی اور مشترکہ اقدامات کے حوالے سے آگاہ کیا گیا ۔ آفات سے نمٹنے اور پیشگی اقدامات ک یقینی بنانے کے لیے موسمی صورتحال کے جائزہ اورجدید ٹیکنالوجی کے استعمال پر بریفنگ دی گئی۔

وزارتِ خارجہ کے نمائندگان کی اجلاس میں شرکت، متعدد ممالک میں تعینات پاکستانی سفیر بھی بذریعہ زوم لنک اجلاس میں شریک ہوئے۔سفارتکاروں نے این ڈی ایم اے کے بروقت اقدامات اورموئثر ریسپانس کو سراہا شرکاء نے این ڈی ایم اے کے بروقت اقدامات اور امدادی کوششوں کو سراہتے ہوئے انسانی جانوں اور معیشت کے تحفظ کے لیے اہم قرار دیا۔