یورپی یونین کی اسرائیل کے انتہا پسند وزیروں پر پابندیوں کی حمایت

یورپی یونین کے ممبر ارکان اسرائیلی انتہا پسند وزیروں کے خلاف اقدامات کریں، ارسلا وان ڈیر لیین

جمعہ 12 ستمبر 2025 15:38

برسلز (اُردو پوائنٹ اخبارتازہ ترین - این این آئی۔ 12 ستمبر2025ء)یورپی یونین کے قانون سازوں نے مطالبہ کیا ہے کہ اسرائیل کے دو انتہا پسند وزرا کے خلاف پابندیاں عائد کی جائیں اور غزہ جنگ کی وجہ سے اسرائیل کے ساتھ تجارتی تعلقات کو بھی محدود کیا جائے۔عرب ٹی وی کے مطابق قانون سازوں نے یہ مطالبہ یورپی کمیشن کی سربراہ ارسلا وان ڈیر لیین کی حمایت کرتے ہوئے کیا ۔

یورپی یونین کی سربراہ نے اپنے سالانہ کلیدی خطاب میں پارلیمان میں کہا تھا وہ تجویز کرے گی کہ یورپی یونین کے ممبر ارکان اسرائیلی انتہا پسند وزیروں کے خلاف اقدامات کریں۔

(جاری ہے)

میں سمجھتی ہوں کہ یہ گیند اب یورپی یونین کے ارکان کی کورٹ میں ہے لیکن اس اقدام سے 27 رکنی یورپی یونین میں گہری تقسیم ہو سکتی ہے جس سے بچنا مشکل ہے۔یورپی پارلیمان نے ایک نان بائنڈنگ قرارداد منظور کی ہے جو یورپی کمیشن کی صدر کے موقف کی تائید کرتی ہے اور اسرائیل کے ساتھ دو طرفہ تعاون کو معطل کرنے کی سفارش کرتی ہے۔

نیز جزوی طور پر یورپی یونین اور اسرائیل کے ساتھ تجارتی معاہدوں کو بھی جزوی طور پر معطل کرنے کی سفارش کرتی ہے۔قرارداد میں اسرائیل کے وزیر خزانہ بذالیل سموٹریچ اور بین گویر کے خلاف پابندیوں کا بھی مطالبہ کیا گیا ہے۔