اسلام آباد پولیس کا تھانہ ترنول کے مختلف علاقوں میں گرینڈ سرچ اینڈ کومبنگ آپریشن

جمعہ 12 ستمبر 2025 15:44

اسلام آباد (اُردو پوائنٹ اخبارتازہ ترین - اے پی پی۔ 12 ستمبر2025ء) اسلام آباد پولیس نے تھانہ ترنول کے مختلف علاقوں میں گرینڈ سرچ اینڈ کومنگ آپریشن کیا۔ ایس پی صدر زون کی سپرویژن میں ہونے والے اس آپریشن میں سی ٹی ڈی اور لیڈیز پولیس نے بھی حصہ لیا۔پولیس کے مطابق آپریشن سے قبل نفری کو مکمل بریفنگ دی گئی جبکہ کارروائی کے دوران 65 افراد، 40 گھرانوں اور 40 دکانوں کو چیک کیا گیا۔

(جاری ہے)

اس کے علاوہ 17 موٹرسائیکل اور 6 گاڑیوں کی بھی چھان بین کی گئی۔ترجمان اسلام آباد پولیس کا کہنا ہے کہ سرچ آپریشنز کا مقصد جرائم کا سدباب اور شہریوں کے تحفظ کو یقینی بنانا ہے۔ آئی جی اسلام آباد نے جرائم کی بیخ کنی کے لئے ضلع بھر میں گرینڈ سرچ آپریشنز کے احکامات جاری کر رکھے ہیں۔اسلام آباد پولیس نے شہریوں سے اپیل کی ہے کہ چیکنگ کے دوران تعاون کریں اور کسی بھی مشکوک سرگرمی کی اطلاع فوراً پولیس کو فراہم کریں، کیونکہ شہریوں کی حفاظت پولیس کی اولین ترجیح ہے۔