uمسلم حکمرانوں نے ذلت کا راستہ اپنا لیا ہے،علامہ جواد نقوی

م*قطر پر ہونیوالا حملے میں خود قطر برابر کا شریک ہے،سربراہ تحریک بیداری امت مصطفی

جمعہ 12 ستمبر 2025 21:05

لاہور (اُردو پوائنٹ اخبارتازہ ترین - آن لائن۔ 12 ستمبر2025ء) سربراہ تحریک بیداری امت مصطفی علامہ سید جواد نقوی لاہور میں جمعہ کے اجتماع سے اپنے خطاب میں کہا کہ دنیا بھر کے مسلم ممالک میں شور ہے کہ قطر پر حملہ ہو گیا، لیکن افسوس غزہ کے خون، ملبے اور لاشوں پر اتنا شور نہیں جتنا قطر کے ایک حملے پر برپا کیا جا رہا ہے۔ انہوں نے کہا کہ قطر پر ہونیوالے حملے میں خود قطر برابر کا شریک ہے اور بن سلمان بھی اس میں شریک ہے۔

انہوں نے مزید کہا کہ قطر، مصر، سعودی عرب، اردن اور متحدہ عرب امارات کو اسرائیلی مزاحمت ختم کرنے کیلئے ایک ٹول کے طور پر استعمال کیا جا رہا ہے، سات عرب ممالک اسرائیل کے دفاع کیلئے منتخب کیے گئے ہیں، عرب حکمرانوں کی نگاہ میں حماس کی مزاحمت کا خاتمہ ایک تقاضا ہے اور یہی ان کی سیاست کی حقیقت ہے۔

(جاری ہے)

علامہ جواد نقوی کا کہنا تھا کہ قطر امریکہ کی چھاؤنی ہے تو قطر پر نہیں بلکہ حماس پر حملہ ہے اور حماس جہاں بھی موجود ہے، وہ خطرے میں ہے۔

انہوں نے کہا کہ مزاحمت کرنیوالا ہی مومن ہے، جبکہ مزاحمت کے علاوہ جسے یہ امن کہتے ہیں وہ دراصل اسرائیل کو تسلیم کرنے کی سٹریٹیجی اور ذلت پسندی ہے۔ انہوں نے کہا کہ امریکہ اور اسرائیل اپنے نئے کھیل کھیلنے کی تیاری میں ہیں، اور ادھر مسلم حکمران سب ذلت کے راستے کو نجات سمجھ بیٹھے ہیں۔ مسلم حکمران چاہتے ہیں کہ ذلت کے ذریعے مسلمانوں کو بچایا جائے، حالانکہ یہ سراسر دھوکہ ہے، خاموش اور سمجھوتہ کرنیوالا لشکر دراصل ذلت کا لشکر ہے، اور وہ دشمن کا ساتھی ہی