Live Updates

وزیر ہاؤسنگ بلال یاسین کا سیلاب سے متاثرہ تھیم پارک سٹی کا دورہ،نکاسی آب کا جائزہ

مشکل کی اس گھڑی میں شہریوں کو کسی صورت تنہا نہیں چھوڑا جائے گا، جلد نکاسی آب اولین ترجیح ہے ‘ وزیر ہاؤسنگ بلال یاسین 20 فٹ چوڑے، 5 فٹ گہرے شگاف سے پانی کی نکاسی دریائے راوی میں ہورہی ہے ‘ سیکرٹری ہاؤسنگ نورالامین کی بریفنگ

ہفتہ 13 ستمبر 2025 20:20

لاہور (اُردو پوائنٹ اخبارتازہ ترین - این این آئی۔ 13 ستمبر2025ء)وزیر ہاؤسنگ اینڈ اربن ڈویلپمنٹ بلال یاسین نے سیلاب سے متاثرہ تھیم پارک سٹی کا دورہ کیا، سیکرٹری ہاؤسنگ نورالامین مینگل، ڈی جی واسا پنجاب کمشنر لاہور مریم خان اور ڈی سی لاہور سید موسیٰ رضا بھی ہمراہ تھے،سیلابی پانی سے متاثرہ علاقے کا اطراف اور کشتیوں کے ذریعے بھی جائزہ لیا گیا،کمشنر لاہوراور ایم ڈی واسا نے مجوزہ اقدامات اور ریلیف آپریشن بارے تفصیلی آگاہ کیا،تاحد نگاہ سیلابی پانی میں ڈوبے علاقے میں امدادی سرگرمیوں اور نکاسی آب کا جائزہ لیا گیا،تھیم پارک سے واٹر چینل کھول کر نکاسی آب کا آغاز کیا جاچکا ہے،20 فٹ چوڑے، 5 فٹ گہرے شگاف سے پانی کی نکاسی دریائے راوی میں ہورہی یے،واسا لاہور کے 17 ڈی واٹرنگ سیٹ،5 پمپنگ مشینیں،5 ایکسکویٹر،5 ڈمپر آپریشن میں استعمال کیے جارہے ہیں،وزیر ہاؤسنگ بلال یاسین کا کہنا تھا کہ مشکل کی اس گھڑی میں شہریوں کو کسی صورت تنہا نہیں چھوڑا جائے گا، جلد نکاسی آب اولین ترجیح ہے،وزیر اعلیٰ پنجاب کی ہدایت پر جلد نکاسی آب کے انتظامات سے لوگوں کو مزید ریلیف فراہم کیا جائے گا،آبادیوں سے نکاسی آب کے مؤثر اور دیرپا حل پر عملدرآمد حکومت پنجاب کی اولین ترجیح ہے، مشکل کی اس گھڑی میں شہریوں کو کسی صورت تنہا نہیں چھوڑا جائے گا، سیکرٹری ہاؤسنگ پنجاب نورالامین مینگل نے کہا کہ واسا کی تمام مشینری پانی کی مکمل نکاسی تک فیلڈ میں موجود ہوگی، 50 افراد سے زائد عملہ 24 گھنٹے آپریشن کی تکمیل تک کام کرتا رہے گا۔