چارلی کرک کے قتل کا ملزم بائیں بازو کا انتہا پسند اور شاندار طالب علم نکلا

اتوار 14 ستمبر 2025 12:40

واشنگٹن (اُردو پوائنٹ اخبارتازہ ترین - این این آئی۔ 14 ستمبر2025ء)امریکی ریاست یوٹا کے گورنر سپنسر کوکس نے انکشاف کیا ہے کہ دائیں بازو کے امریکی کارکن چارلی کرک کے قتل کا ملزم بائیں بازو کی انتہا پسندانہ نظریات سے شدید متاثر تھا۔سپنسر کوکس نے بتایا کہ یہ ہمارے اور تفتیش کاروں کے لیے بہت واضح ہے کہ یہ شخص بائیں بازو کی انتہا پسندانہ نظریات سے متاثر تھا۔

ٹائلر رابنسن ایک قدامت پسند ماحول میں پلا بڑھا۔

(جاری ہے)

اس کی والدہ کی فیس بک پوسٹس سے ظاہر ہوتا ہے کہ وہ ایک شاندار طالب علم تھا جس نے 4.0 کا جی پی اے حاصل کیا اور اے سی ٹی ٹیسٹ میں 36 میں سے 34 نمبر حاصل کیے تھے۔ اس نے 32,000 ڈالر کی یونیورسٹی سکالرشپ بھی حاصل کی اور 2021 کے موسم خزاں میں یوٹا سٹیٹ یونیورسٹی میں اپنی تعلیم شروع کی لیکن صرف ایک سمسٹر مکمل کیا۔ اس کے بعد اس نے ڈیکسی ٹیکنیکل کالج میں الیکٹریشن کے پیشہ ورانہ تربیتی پروگرام میں داخلہ لیا جہاں وہ تیسرے سال کا طالب علم تھا۔