پاکستان کے پاس 1234 ملین بیرل تیل کے ذخائر موجود، ایکسپلوریشن کوششوں میں نمایاں تیزی

30ارب ڈالر سرمایہ کاری سے 10 فیصد ذخائر کا استعمال ممکن ہوگا، وزیرمملکت پیٹرولیم علی پرویز ملک

اتوار 14 ستمبر 2025 15:30

لاہور(اُردو پوائنٹ اخبارتازہ ترین - این این آئی۔ 14 ستمبر2025ء)پاکستان کے پاس 1234 ملین بیرل تیل کے ذخائر موجود ہیں، تیل کی بروقت ایکسپلوریشن سے معاشی اہمیت محفوظ، بیرونی انحصار کم اور خودمختاری میں اضافہ ممکن ہے، ایس آئی ایف سی کی معاونت سے تیل کی بروقت ایکسپلوریشن کے لیے کوششوں میں نمایاں تیزی آئی ہے۔وزیرمملکت برائے پیٹرولیم علی پرویز ملک نے کہا ہے کہ آئندہ دہائی کے دوران25سی30ارب ارب ڈالر سرمایہ کاری سے 10 فیصد ذخائر کا استعمال ممکن ہو گا۔

(جاری ہے)

انہوں نے کہا کہ تیل کا سالانہ درآمدی بل 12 ارب ڈالر ہے تاہم مقامی پیداوار میں اضافہ سے پاکستان کی توانائی خود کفالت کا نیا دور شروع ہو گا۔ امریکہ اورپاکستان آئل پارٹنرشپ ، روشن معیشت اور مضبوط مستقبل کی ضمانت ہے۔ترکی کے ساتھ 40 آف شور بلاکس پر معاہدہ بھی ملکی توانائی تحفظ کے لیے گیم چینجر ثابت ہو گا۔، عالمی ایکسپلوریشن کمپنی سنر جیکو کا موقف ہے کہ نئی دریافت شدہ تیل کی کوالٹی پریمیم گلف معیار کے مترادف ہے۔ ایس آئی ایف سی کی سہولت کاری کے باعث تیل کی ایکسپلوریشن کے عوامل درست سمت پر گامزن ہیں۔