Live Updates

محسن نقوی کا سینئر صحافی اور جیو نیوز کے سپورٹس ایڈیٹر سید محمد صوفی کے انتقال پر اظہار افسوس

اتوار 14 ستمبر 2025 21:20

لاہور(اُردو پوائنٹ اخبارتازہ ترین - این این آئی۔ 14 ستمبر2025ء)چیئرمین پاکستان کرکٹ بورڈ محسن نقوی نے سینئر صحافی اور جیو نیوز کے سپورٹس ایڈیٹر سید محمد صوفی کے انتقال پر دکھ اور افسوس کااظہار کیا ہے۔ چیئرمین پی سی بی محسن نقوی نے سوگوار خاندان سے دلی ہمدردی اور تعزیت کا اظہار کیا۔

(جاری ہے)

چیئرمین پی سی بی محسن نقوی نے کھیلوں خصوصا کرکٹ کے فروغ کیلئے مرحوم سید محمد صوفی کی صحافتی خدمات کو خراج عقیدت پیش کیا۔

چیئرمین پی سی بی محسن نقوی نے کہا کہ سید محمد صوفی کے انتقال سے سپورٹس جرنلزم کے سنہری دور کا خاتمہ ہوا ہے۔مرحوم سید محمد صوفی کی سپورٹس جرنلزم کے لیے خدمات کو ہمیشہ یاد رکھا جائے گا۔ انہوں نے کہا کہ اللہ تعالٰی مرحوم کی روح کو جوار رحمت میں جگہ دے اور سوگوار خاندان کو صبر جمیل عطافرمائے۔ آمین۔