بانی پاکستان تحریک انصاف کے میڈیا بیانات پر عائد پابندی ختم کرنے کی درخواست پر سماعت ملتوی

بدھ 17 ستمبر 2025 17:04

لاہور (اُردو پوائنٹ اخبارتازہ ترین - اے پی پی۔ 17 ستمبر2025ء) لاہور ہائیکورٹ میں بانی پاکستان تحریک انصاف کے میڈیا بیانات پر عائد پابندی ختم کرنے کے لیے دائر درخواست پر سماعت نہ ہوسکی۔ جسٹس فاروق حیدر کے رخصت پر ہونے کے باعث سماعت ملتوی ہوئی۔

(جاری ہے)

عدالت پہلے ہی وفاقی حکومت اور چیئرمین پیمرا کو نوٹس جاری کر کے جواب طلب کر چکی ہے جبکہ وکلا کو دلائل دینے کی ہدایت بھی کی جا چکی ہے۔ یہ درخواست پی ٹی آئی رہنما اکمل خان باری کی جانب سے دائر کی گئی ہے جس میں موقف اختیار کیا گیا کہ عدالت بانی پی ٹی آئی کے خلاف میڈیا بیانات پر پابندی ختم کرنے کا حکم دے۔