Live Updates

شیخ رشید کا راشد شفیق کے والد کی طبیعت خراب ہونے پر تشویش کا اظہار

چھوٹی چھوٹی باتوں پر دس سال قید ہو رہی ،مہنگائی ،سیلاب کا کوئی پرسان حال نہیں ہے، سابق وزیر داخلہ

جمعرات 18 ستمبر 2025 03:05

راولپنڈی (اُردو پوائنٹ اخبارتازہ ترین - این این آئی۔ 18 ستمبر2025ء) سربراہ عوامی مسلم لیگ شیخ رشید نے راشد شفیق کے والد کی طبیعت کی خرابی پر گہری تشویش کا اظہار کیا ہے۔

(جاری ہے)

انسداد دہشت گردی عدالت راولپنڈی کے باہر میڈیا سے گفتگو کرتے ہوئے شیخ رشید نے کہا کہ میں قسم کھاتا ہوں راشد شفیق نے فیصل آباد دیکھا نہیں، راشد شفیق کو فیصل آباد میں ہونے والی حالیہ مشکلات کا علم نہیں ہے، راشد شفیق اپنی والدہ کے جنازے میں بھی شریک نہ ہو سکے تھے اور اب ان کے والد کی حالت بھی خراب ہوگئی ہے۔

انہوں نے حکومت کی سخت پالیسیوں اور مہنگائی پر شدید تنقید کرتے ہوئے کہا کہ چھوٹی چھوٹی باتوں پر دس سال قید ہو رہی ہے، جبکہ مہنگائی اور سیلاب کا کوئی پرسان حال نہیں ہے۔ انہوں نے ارباب اختیار سے درخواست کی کہ وہ عام آدمی کو معافی دیں اور مہنگائی پر قابو پانے کیلئے فوری اقدامات کریں تاکہ غریب آدمی کو کم از کم کچھ ریلیف مل سکے، حکومت کو غریب عوام کی حالت زار پر رحم کرنا چاہیے اور ان کے مسائل حل کرنے کیلئے سنجیدہ اقدامات اٹھانے چاہئیں۔