علاقے کے مسائل کا حل ہماری اپنی بساط کے مطابق اولین ترجیحات میں شامل ہے، ڈپٹی کمشنرجھل مگسی

گنداواہ (اُردو پوائنٹ اخبارتازہ ترین - این این آئی۔ 18 ستمبر2025ء) وزیر اعلٰی بلوچستان میر سرفرازبگٹی اور چیف سیکریٹری بلوچستان شکیل قادر کے احکامات کی روشنی میں ضلعی انتظامیہ جھل مگسی کے زیراہتمام سرکٹ ہاؤس گنداواہ میں ڈپٹی کمشنر جھل مگسی سید رحمت اللہ شاہ ، لیفٹیننٹ کرنل سہیل احمد کی زیر صدارت عوام الناس کے درپیش مسائل کے تدارک کے حوالے سے کھلی کچہری کا انعقاد کیا گیا اس موقع پر ایس پی جھل مگسی سبحان علی مگسی ،ایڈیشنل ڈپٹی کمشنر (جنرل) جھل مگسی عبدالغفور جمالی، ڈسٹرکٹ سوشل ویلفیئر آفیسر حفیظ اللّہ کھوسہ، ڈپٹی ڈائریکٹر ذراعت توسیع جھل مگسی غلام سرور مگسی، ضلعی ناظم صحت ڈاکٹر علی خان مگسی، ڈسٹرکٹ ایجوکیشن آفیسر جھل مگسی عبدالرسول کھوسہ، ضلعی جنگلات آفیسر عابد علی سومرو، ایکسیئن ایریگیشن جھل مگسی محمد یار مگسی، (سب ڈویڑنل آفیسر ) ایریگیشن فرخ شہزاد کھوکھر ، (سب ڈویژنل آفیسر) پبلک ہیلتھ انجینئرنگ محمد طاہر لہڑی ، میڈیکل سپرینٹںڈنٹ ڈاکٹر منصور احمد کھوسہ ،چیئرمین میونسپل کمیٹی گنداواہ ایڈووکیٹ مشتاق احمد ترین، اور دیگر مختلف محکمہ جات کے ضلعی آفیسران سمیت قبائلی عمائدین، سوشل ایکٹوسٹ ، سول سوسائٹی ،صحافی حضرات، علماء کرام اور دیگر شعبہ جات سے تعلق رکھنے والے افراد نے بڑی تعداد میں شرکت کی شہریوں ودیگر مقررین کی جانب سے ضلع جھل مگسی کے بنیادی مسائل بالخصوص پانی بجلی ، تعلیم و صحت ، صفائی و ستھرائی اور عوام الناس کی جان و مال کے تحفظ کو یقینی بنانے کے حوالے سے ڈپٹی کمشنر جھل مگسی و دیگر آفیسران کو آگاہ کیا گیا اس موقع پر ڈپٹی کمشنر جھل مگسی سید رحمت اللہ شاہ نے کھلی کچہری کے شرکاء سے خطاب کرتے ہوئے کہا کہ علاقے کے مسائل کا حل ہماری اپنی بساط کے مطابق ہماری اولین ترجیحات میں شامل ہے، آج کی اس کھلی کچہری کے توسط سے تمام محکمہ جات کے آفیسران نے آپ کی شکایات سنیں، اور انشائ اللّہ اس پر فوری عمل کرنے کو یقینی بنایا جائے گاانہوں نے علاقے کے امن وامان پر خصوصی توجہ دیتے ہوئے کہا ، کہ ہماری فورسز لیویز اور پولیس ودیگر قانون نافذ کرنے والے ادارے شب و روز محنت کرکے بہت سے کامیاب کارروائیوں میں جرائم پیشہ افراد کو گرفتار کیا ہے، جس میں چوری، منشیات فروشوں اور دوسرے وارداتوں میں ملوث شامل ہیں انھوں نے کہا کہ نوتال تا گنداواہ شاہراہ کیلئے مسافر ویگنوں کیلئے لیویز فورس کے جوان ہائیر کرکے شاہراہ پر اضافی نفری کے کیمپس لگائے گئے ہیں تاکہ عوام الناس کے جان و مال کے تحفظ کو یقینی بنایا جاسکے بعد ازاں ڈپٹی کمشنر جھل مگسی سید رحمت اللّہ شاہ ،ونگ کمانڈر 151 (لیفٹیننٹ کرنل) سہیل احمد اور ایس پی جھل مگسی سبحان علی مگسی ودیگر آفیسران نے عوام الناس کے درپیش مسائل بالخصوص مولہ سے آنے والے آبِ سیاہ کی منصفانہ تقسیم ، بجلی ، تعلیم اور صحت کی سہولیات کی فراہمی اور بالخصوص امن و امان کی بحالی کے حوالے سے ترجیحی بنیاد پر تمام تر درپیش مسائل حل کرنے کی یقین دہانی کروائی آخر میں ملک و ملت کی حفاظت اور امن و سلامتی کیلئے دعا کا بھی اہتمام کیا گیا۔