اسرائیل کا جنوبی لبنان میں ڈرون حملہ، 5 شہری شہید

اسرائیلی ڈرون حملے میں مزاحمتی تحریک حزب اللہ کے ایک رکن بھی شہید ہوگئے

پیر 22 ستمبر 2025 17:31

اسرائیل کا جنوبی لبنان میں ڈرون حملہ، 5 شہری شہید

بیروت (اُردو پوائنٹ اخبارتازہ ترین - این این آئی۔ 22 ستمبر2025ء)لبنان کے جنوبی حصے میں ہونے والے اسرائیلی ڈرون حملے سے 5 شہری شہید ہوگئے۔عرب میڈیا کے مطابق اسرائیلی ڈرون حملے میں مزاحمتی تحریک حزب اللہ کے ایک رکن بھی شہید ہوئے۔اسرائیلی حملے میں شہید ہونے 3 بچے امریکی شہری تھے جبکہ حملے میں انکی والدہ بھی زخمی ہوئی ہیں۔

(جاری ہے)

لبنان کی حکومت نے اسرائیلی حملے پر ردِعمل دیتے ہوئے کہا کہ اسرائیلی حملہ لبنانی شہریوں کے خلاف جرم ہے۔

لبنانی وزیرِاعظم نے واقعے پر افسوس کا اظہار کرتے ہوئے کہا کہ اسرائیل نے ایک نیا قتل عام شروع کردیا ہے۔لبنان کے مقامی میڈیا نے بتایا ہے کہ اسرائیل نے جنوبی لبنان پر حملے کے دوران ایک گاڑی اور موٹر سائیکل کو نشانہ بنایا، جس میں 2 افراد زخمی بھی ہوئے۔