بی جے پی کو انتخابات میں اپنی شکست کی سزاکشمیریوں کو نہیں دینی چاہیے، عمر عبداللہ

بدھ 24 ستمبر 2025 17:49

سری نگر (اُردو پوائنٹ اخبارتازہ ترین - اے پی پی۔ 24 ستمبر2025ء) بھارت کے غیر قانونی زیرتسلط جموں وکشمیر کے وزیر اعلیٰ عمر عبداللہ نے کہا ہے کہ بی جے پی کو کشمیریوں کو محض اس لیے سزا نہیں دینی چاہیے کہ وہ اسمبلی انتخابات میں کامیابی حاصل کرنے میں ناکام رہی ہے۔

(جاری ہے)

کشمیر میڈیا سروس کے مطابق عمر عبداللہ نےبیان میں کہا کہ بی جے پی نے سپریم کورٹ کو بتایا کہ انتخابات کے بعد جموں وکشمیر کا ریاستی درجہ بحال کیا جا ئے گا، یہ کبھی نہیں کہا تھا کہ مذکورہ درجہ صرف بی جے پی کی جیت کی صورتحال میں بحال ہو گا۔

عمر عبداللہ نے کہاکہ بی جے پی بدقسمتی سے جیت نہیں پائی لیکن اسے اپنی ہار کو ریاستی درجہ کی بحالی میں رکاوٹ نہیں بنانا چاہیے۔عمر عبداللہ نےکہاکہ ان کی حکومت کی توجہ عوام کے مسائل کے حل پر مرکوز ہے۔