ملتان، منشیات مقدمہ میں مجرم کو 14 سال قید اور دو لاکھ روپے جرمانے کی سزا

بدھ 24 ستمبر 2025 16:38

ملتان (اُردو پوائنٹ اخبارتازہ ترین - اے پی پی۔ 24 ستمبر2025ء) ملتان کی سیشن عدالت نے منشیات مقدمہ میں مجرم کو 14 سال قید اور دو لاکھ روپے جرمانہ کی سزا سنا دی ۔ایڈیشنل اینڈ سیشن جج ملتان نے ٹرائل مکمل ہونے پر منشیات مقدمے کا فیصلہ سنایا۔

(جاری ہے)

معزز عدالت نے جرم ثابت ہونے پر مجرم عمران جاوید کو 14 سال قید اوردو لاکھ روپے جرمانہ کی سزا کا حکم دیتے ہوئے قرار دیا کہ اگر مجرم نے جرمانہ ادا نہ کیا تو اسے چھ ماہ مزید قید بھگتنا ہوگی۔

سال2024ء میں تھانہ نیو ملتان پولیس نے کارروائی کرتے ہوئے مجرم عمران جاوید کو گرفتار کر کے اس کے قبضہ سے 10کلو 700گرام بھنگ برآمد کی تھی۔پولیس نے وقوعہ کا مقدمہ درج کر کے ملزم کے خلاف ٹھوس شواہد کے ساتھ تفتیش مکمل کر کے چالان عدالت میں پیش کیا۔جس پرمعزز عدالت کی جانب سے مجرم عمران جاوید کو 14 سال قید اور جرمانہ کی سزا سنا ئی گئی۔