کلاسیکل گلوکار اسد امانت علی خان کی 70ویں سالگرہ منائی گئی

جمعرات 25 ستمبر 2025 15:53

لاہور (اُردو پوائنٹ اخبارتازہ ترین - اے پی پی۔ 25 ستمبر2025ء) کلاسیکی موسیقی کے نامور گلوکار اسد امانت علی خان کی 70ویں سالگرہ25 ستمبر بروز جمعرات کومنائی گئی ۔گلوکار اسد امانت علی خان25 ستمبر 1955 کو لاہور میں پیدا ہوئے، ان کو گائیکی کا فن اپنے والد استاد امانت علی خان سے ورثے میں ملا لیکن انہوں نے فن گائیکی میں اپنی الگ شناخت منوائی۔

(جاری ہے)

اسد امانت علی خان نے گائیکی کا آغاز 10 سال کی عمر سے کیا اور کلاسیکی موسیقی سے تعلق رکھنے والے خاندان کا نام روشن کیا۔

ان کی غزلیں اور کلاسیکل راگ دنیا بھر میں بے حد مقبول ہوا، اپنے والد کی گائی ہوئی غزل ''انشا جی اٹھو اب کوچ کرو'' سے اسد امانت علی کو اولین شناخت ملی جبکہ اصل شہرت ''عمراں لنگھیاں پباں بھار'' سے ملی۔ان کے مشہور گانوں میں'' کل چودھویں کی رات تھی، آنکھیں غزل ہیں آپ کی، گھر واپس جب آ گئے تم اور عمراں لنگیاں پباں بھار'' شامل ہیں۔حکومت پاکستان نے انہیں 2007 میں تمغہ برائے حسن کارکردگی سے نوازا۔