د*افغانستان سے دشمنی کی بجائے دوستی کا ہا تھ بڑھایاجائی:جے یو آئی ( س)

ؔ پاکستان اورافغانستان کے صدیو ں کے تعلقات ہیں مغربی دنیا کی خو شنودی کیلئے کو ئی غلط قدم نہ اٹھایا جائے پاکستانی حکمران ہمسایہ ممالک کے سا تھ اپنے تعلقات بہتر بنا ئیں ملک کسی نئی آزما ئش کا متحمل نہیں

اتوار 28 ستمبر 2025 18:30

ح* لاہور(اُردو پوائنٹ اخبارتازہ ترین - آن لائن۔ 28 ستمبر2025ء)جمعیت علما اسلام( س) لاہور کے امیر ومرکزی سالار مولانا قاری اعظم حسین، امیر مولانا پیر عبدالقدوس نقشبندی ،ناظم اعلی مولانا ایوب خان، ڈپٹی سیکرٹری پیر اکبر ساقی، لاہور کے ناظم اعلی مولانا طیب عثمانی، نائب امیر مولانا صلاح الدین ایوبی، قاری واحد بخش، قاری رحمت اللہ لاشاری، انجینئر خالد ٹیپو، عبد الحمید تو نسوی، مولانا محمد ممتاز، مولانا توقیر عباس سمیت دیگر رہنما ئوں نے اپنے مشترکہ بیان میں کہاہے کہ افغانستان سے دشمنی کی بجائے دوستی کا ہا تھ بڑھایاجائے، پاکستان اورافغانستان کے صدیو ں کے تعلقات ہیں مغربی دنیا کی خو شنودی کیلئے کو ئی غلط قدم نہ اٹھایا جائے،پاکستانی حکمران ہمسایہ ممالک کے سا تھ اپنے تعلقات بہتر بنا ئیں ملک کسی نئی آزما ئش کا متحمل نہیں۔

(جاری ہے)

انہوں نے مزید کہاکہ خواجہ آصف کا اہم منصب پر رہتے ہوئے افغانستان کیخلاف تعصب پر مبنی بیان ہمسایہ ملک سے جان بوجھ کر تعلقات خراب کرنا ہے ، میاں نوازشریف خواجہ آصف کو گھر بٹھائیں ۔ ملک کو موجودہ درپیش چیلنجز میں مثبت پالیسی و ہمسایہ ممالک کے مابین اتحاد اور بہتر تعلقات کی ضرورت ہے ، دونوں ہمسایہ اسلامی ممالک کے درمیان وحدت ویکجہتی سے معیشت و تجارت اور سرمایہ کاری، صنعت کی فروغ سے ہی خطے میں ترقی کا دور شروع ہوگا ۔