چشتیاں ، سیلاب سے متاثرہ علاقوں کی صورتحال کا جائزہ لینے کے لیے ڈی سی آفس کمیٹی روم میں اہم اجلاس

منگل 30 ستمبر 2025 15:01

نمائندہ (اُردو پوائنٹ اخبارتازہ ترین - اے پی پی۔ 30 ستمبر2025ء) وزیراعلیٰ پنجاب مریم نواز شریف کی ہدایت پر سیلاب سے متاثرہ علاقوں کی صورتحال کا جائزہ لینے کے لیے ڈی سی آفس کے کمیٹی روم میں ایک اہم اجلاس منعقد ہوا۔ اجلاس کی صدارت بریگیڈیئر بابر علاؤالدین ایس آئی (ایم)، اے ڈی سی جی (ر) چیئرپرسن چیف منسٹر ڈی ای ایف آئی ایم حکومت پنجاب نے کی۔

(جاری ہے)

اجلاس میں ایڈیشنل ڈپٹی کمشنر جنرل ظہور حسین، اسسٹنٹ کمشنر بہاولنگر ارشد ندیم سمیت تمام متعلقہ محکموں کے افسران نے شرکت کی۔

اجلاس میں سیلاب متاثرین کے لیے کیے گئے انتظامات، متاثرہ علاقوں کے سروے، ریلیف اور بحالی کے اقدامات پر تفصیلی بریفنگ دی گئی۔ تمام محکموں نے اپنی اپنی رپورٹس پیش کیں اور سیلاب متاثرہ عوام کو ریلیف پہنچانے کے لیے کیے گئے اقدامات سے آگاہ کیا۔