Live Updates

ٴوزیر اعلیٰ مریم نواز شریف کی ہدایت پر پنجاب بھر میں سیلاب زدگان کی مدد کیلئے فلڈ سروے کا آغاز

فلڈ سروے پر پی ڈی ایم اے، انتظامیہ اور دیگر متعلقہ اداروں کو شاباش ، کمشنر، ڈپٹی کمشنر اور اے سی کو سروے ٹیموں کی معاونت اور مانیٹرنگ کی ہدایت پنجاب کے 26 اضلاع میں 1429 فلڈ سروے ٹیمیںسیلاب زدہ علاقوں میں متحرک، چند روز میں ہی ساڑھی27 ہزار کا افراد کا ڈیٹا جمع قصور میں سروے کا آغاز آج (یکم اکتوبر) سے ہوگا،سیلاب سے منہدم ہونیوالے 8305 گھروں ، 48071 ایکڑاراضی، ہلاک ہونیوالے 1712 مویشیوں کا ریکارڈ حاصل

منگل 30 ستمبر 2025 20:20

<لاہور (اُردو پوائنٹ اخبارتازہ ترین - آن لائن۔ 30 ستمبر2025ء) وزیر اعلیٰ پنجاب مریم نواز شریف کی ہدایت پر پنجاب بھر میں سیلاب زدگان کی مدد کے لئے فلڈ سروے کا آغاز کر دیا گیا۔ وزیراعلی مریم نواز شریف نے فلڈ سروے کے جلد آغاز پر پی ڈی ایم اے، انتظامیہ اور دیگر متعلقہ اداروں کو شاباش دی۔ وزیراعلیٰ مریم نواز شریف نے کمشنر، ڈپٹی کمشنر اور اسسٹنٹ کمشنر کو سروے ٹیموں کی معاونت اور مانیٹرنگ کی ہدایت کی۔

پنجاب کے 26 اضلاع میں فلڈ سروے کے لئے 1429ٹیمیں پہنچ گئی ۔

(جاری ہے)

قصور میں سیلاب زدگان کے نقصان کا تخمینہ لگانے کے لئے سروے کا آغاز آج (یکم اکتوبر) سے ہوگا۔ 1429 فلڈ سروے ٹیموں کے مستعد اور متحرک ارکان سیلاب متاثرہ علاقوں میں جگہ جگہ پہنچ رہے ہیں ۔ فلڈ سروے ٹیموں نے چند روز میں ہی ساڑھی27 ہزار کا افراد کا ڈیٹا جمع کر لیا۔فلڈ سروے ٹیموں نے 48071 ایکڑ سیلاب متاثرہ اراضی کا سروے بھی مکمل کرلیا۔ فلڈسروے ٹیموں سیلاب سے منہدم ہونے والے 8305 گھروں کا ڈیٹا بھی حاصل کر لیا۔ وزیر اعلیٰ مریم نواز شریف کی ہدایت پر سروے ٹیم نے سیلاب کے دوران ہلاک ہونے والے 1712 مویشیوں کا ریکارڈ بھی حاصل کیا