Live Updates

سیلاب، سیاسی نکتہ نظر سے بالا تر قومی مسئلہ ہے‘ بیرسٹر دانیال چودھری

بدھ 1 اکتوبر 2025 17:55

اسلام آباد (اُردو پوائنٹ اخبارتازہ ترین - آن لائن۔ 01 اکتوبر2025ء) پارلیمانی سیکرٹری برائے اطلاعات و نشریات بیرسٹر دانیال چوہدری نے 'موسمیاتی تبدیلیوں کے مطابق ڈھلنا اور سیلابی انتظام' کے موضوع پر منعقدہ سیمینار سے خطاب کرتے ہوئے کہا کہ سیلاب کے مسائل کو سیاسی تناظر میں دیکھنے کے بجائے قومی مسئلے کے طور پر پرکھا جانا چاہیے۔اس موقع پر سیمینار میں جنرل (ر) سمریظ سالک، سینیٹر ہدایت اللہ، موسمیاتی امور کے ماہر سہیل ملک اور پاکستان انسٹی ٹیوٹ برائے کنفلکٹ اینڈ سیکورٹی سٹڈیز کے managing director عبداللہ خان نے اپنے خیالات کا اظہار کیا۔

بیرسٹر دانیال نے اپنے خطاب میں نشاندہی کی کہ ''گزشتہ سالوں میں آنے والے سیلاب محض قدرتی آفات نہیں بلکہ ایک نظام کی ناکامی کی علامت ہیں۔

(جاری ہے)

پنجاب اور خیبر پختونخوا کے متاثرہ علاقوں میں بار بار آنے والی تباہی اس بات کی غماز ہے کہ ہمیں اپنے انتظامی ڈھانچے میں بنیادی اصلاحات کی ضرورت ہے۔انہوں نے مزید کہا کہ ''موجودہ صوبائی نظام میں دور دراز علاقوں تک بروقت رسائی ممکن نہیں رہی۔

چترال اور گلگت بلتستان جیسے علاقوں میں ہنگامی امداد کی ترسیل میں درپیش مشکلات نے ہمیں سوچنے پر مجبور کر دیا ہے۔پارلیمانی سیکرٹری نے اس سلسلے میں تجویز پیش کرتے ہوئے کہا کہ ''موسمیاتی چیلنجز سے نمٹنے کے لیے ہمیں ایک جدید اور متحرک انتظامی ڈھانچے کی ضرورت ہے جو نہ صرف موجودہ مسائل کا حل پیش کر سکے بلکہ مستقبل کے چیلنجز کا مقابلہ کرنے کی بھی صلاحیت رکھتا ہو۔