gبابا گورو نانک کے جنم دن کی تقریبات کی تیاریاں شروع

پ*یاتریوں کو خوش آمدید کہیں گے، ایڈیشنل سیکریٹری شرائنز ناصر مشتاق

جمعہ 3 اکتوبر 2025 19:50

٪لاہور (اُردو پوائنٹ اخبارتازہ ترین - آن لائن۔ 03 اکتوبر2025ء) سکھ برادری کے روحانی پیشوا بابا گورو نانک کے جنم دن کی تقریبات کی تیاریاں شروع کر دی گئی ہیں، مرکزی تقریب 5 نومبر کو گوردوارہ جنم استھان ننکانہ صاحب میں ہو گی۔

(جاری ہے)

اس حوالے سے متروکہ وقف املاک بورڈ کے زیراہتمام اعلیٰ سطحی اجلاس ہوا جس کی صدارت ایڈیشنل سیکریٹری شرائنز ناصر مشتاق نے کی جبکہ چیئرمین بورڈ ڈاکٹر ساجد محمود چوہان نے وڈیو لنک کے ذریعے شرکت کی۔

اجلاس کو بتایا گیا بھارتی سکھ یاتریوں کو تقریبات میں شرکت کی دعوت دی گئی تھی تاہم بھارت کی وزارت خارجہ نے کہا ہے کہ وہ اپنے شہریوں کو پاکستان نہیں بھیجے گی۔ ایڈیشنل سیکرٹری شرائنز ناصر مشتاق نے کہا ہم دنیا بھر سے آنیوالے یاتریوں کو خوش آمدید کہیں گے اور انہیں ہرممکن سکیورٹی اور سفری سہولتیں فراہم کی جائیں گے۔ اجلاس میں سیکرٹری متروکہ وقف املاک بورڈ فرید اقبال بھی موجود تھی