مسابقتی کمیشن آف پاکستان نے ایل این جی سیکٹرکی مسابقتی صورتحال پر رپورٹ جاری

اتوار 5 اکتوبر 2025 14:00

کراچی(اُردو پوائنٹ اخبارتازہ ترین - این این آئی۔ 05 اکتوبر2025ء)مسابقتی کمیشن آف پاکستان نے ایل این جی سیکٹرکی مسابقتی صورتحال پررپورٹ جاری کردی۔کمیشن کی جاری رپورٹ کے مطابق ملکی ایل این جی سیکٹر کو اسٹرکچرل، ریگولیٹری اور مسابقتی چیلنجز درپیش ہیں، ایل این جی درآمد، اسٹوریج اور ڈسٹری بیوشن میں سرکاری ملکیتی اداروں کی اجارہ داری ہے۔

(جاری ہے)

رپورٹ میں بتایا گیا کہ سخت لائسنسنگ و ٹیرف قواعد نجی اداروں کی مارکیٹ میں شمولیت میں رکاوٹ ہیں،کراچی:انفراسٹرکچر تک محدود رسائی، ٹی پی اے قوانین کا سست نفاذ بڑی رکاوٹیں ہیں، ٹیرف ایڈجسٹمنٹ میں تاخیر سے جنوری 24میں گردشی قرضہ2866ارب تک جاپہنچا۔

کمیشن کی رپورٹ میں لکھا گیا کہ سینٹرل کوآرڈینیشن کمیٹی سے درآمدی کلیئرنس کیلئے ون سٹاپ شاپ کا قیام ضروری ہے، ایل این جی ٹرمینلز اور پائپ لائنز کے لیے ٹی پی اے قوانین کا فوری نفاذ ہونا چاہیے، سوئی سدرن اور سوئی ناردرن کی ٹرانسمیشن اور ڈسٹری بیوشن کو الگ کیا جائے۔