Live Updates

ٹیسٹ کرکٹر کامران غلام بھی شادی کے بندھن میں بندھ گئے، ولیمے میں نامور کھلاڑیوں کی شرکت

کامران غلام کے ولیمے کی تقریب میں قومی کرکٹر محمد رضوان، صاحبزادہ فرحان ،افتخار احمد، فخر زمان، نسیم شاہ سمیت مقامی کرکٹرز بھی شریک ہوئے

ذیشان مہتاب اتوار 5 اکتوبر 2025 15:07

ٹیسٹ کرکٹر کامران غلام بھی شادی کے بندھن میں بندھ گئے، ولیمے میں نامور ..

پشاور (اردو پوائنٹ تازہ ترین اخبار ۔ 5 اکتوبر 2025ء ) پاکستان کے ٹیسٹ کرکٹر کامران غلام رشتہ ازدواج میں منسلک ہوگئے۔

نجی ٹی وی جیو نیوز کے مطابق ٹیسٹ کرکٹر کامران غلام کے ولیمے کی تقریب پشاور میں ہوئی جہاں کامران غلام کے دوست اور عزیز و اقارب سمیت ساتھی کرکٹرز نے بھی شرکت کی۔

(جاری ہے)

کامران غلام کے ولیمے کی تقریب میں قومی ٹیسٹ کرکٹر محمد رضوان، صاحبزادہ فرحان ، افتخار احمد، فخر زمان، نسیم شاہ اور ساجد خان سمیت مقامی کرکٹرز بھی شریک ہوئے۔

قومی کرکٹرز نے کامران غلام کو شادی کی مبارکباد دیتے ہوئے زندگی کی نئی اننگز کے آغازپران کے لیے نیک خواہشات کا اظہار کیا۔

خیال رہے گزشتہ روز ہی قومی کرکٹر ابرار احمد کی بھی شادی ہوئی تھی اور ان کے ولیمے کی تقریب 6 اکتوبر کو ہو گی۔