Live Updates

پی سی بی نے عمران خان کو سالگرہ پر مبارکباد کیوں نہیں دی؟، سوالات اٹھنے لگے

کیا سابق پرائم منسٹر اور سابق کپتان کو انکی سیاست میں وابستگی کی وجہ سے اگنور کیا گیا یا کوئی اور وجہ ہے؟

ذیشان مہتاب اتوار 5 اکتوبر 2025 15:25

پی سی بی نے عمران خان کو سالگرہ پر مبارکباد کیوں نہیں دی؟، سوالات اٹھنے ..

لاہور (اردو پوائنٹ تازہ ترین اخبار ۔ 5 اکتوبر 2025ء ) پاکستان کرکٹ بورڈ جو ہر وقت اس بات پر زور دیتا ہے کہ کرکٹ میں سیاست کو شامل نہیں کرنا چاہیے، آج وہ اس ملک کے سب سے شاندار کپتان اور آل راؤنڈر عمران خان کو ان کی سالگرہ پر مبارک باد دینا بھول گیا۔

کیا عمران خان کے لیے ان کی سالگرہ پر پی سی بی کا کوئی پوسٹ نہیں کرنا دانستہ ہے یا غیر دانستہ؟ یہ سوال کرکٹ شائقین میں گردش کر رہا ہے۔

سوال کیا جا رہا ہے کہ کیا سابق پرائم منسٹر اور سابق کپتان عمران خان کو ان کی سیاست میں وابستگی کی وجہ سے اگنور کیا گیا ہے یا کوئی اور وجہ ہے جو ان کو ان کی سالگرہ پر کوئی مبارک باد کی پوسٹ نہیں کی گئی؟۔

پاکستان کرکٹ کی تاریخ میں عمران خان کا ایک الگ ہی مقام ہے اور وہ اس ملک کے سب سے کامیاب کپتان اور آل راؤنڈر مانے جاتے ہیں جنہوں نے پاکستان کو 1992ء میں پہلی دفعہ ورلڈ کپ جتوایا۔

(جاری ہے)

مزے کی بات یہ ہے کہ ہفتے کے دن ہی پی سی بی کی طرف سے ایک پوسٹ دی گئی جس میں انہوں نے بیٹر سعد علی کو ان کی سالگرہ پر مبارک باد دی جبکہ سعد علی 2019ء میں آسٹریلیا کیخلاف صرف 2 ون ڈے انٹرنیشنل میں پاکستان کی نمائندگی کر پائے۔

عمران خان جو اس وقت اڈیالہ جیل میں مختلف کیسز میں سزا کاٹ رہے ہیں یا پھر ٹرائل کا انتظار کر رہے ہیں، اگست 2018ء سے مارچ 2022ء تک وزیرِ اعظم رہے۔

پاکستان کرکٹ بورڈ نے ہمیشہ یہ پرچار کیا ہے کہ سیاست اور کرکٹ کو الگ رکھنا چاہیے اور حالیہ ایشیا کپ کے دوران اس مؤقف کو سختی سے چیئرمین محسن نقوی نے بار بار دہرایا۔