دہشتگرد اسرائیل کے نہتے فلسطینیوں پر حملے جاری، مزید 67 شہید

غذائی قلت کے باعث مزید ایک فلسطینی جان کی بازی ہار گیا،غیرملکی میڈیا

پیر 6 اکتوبر 2025 16:25

غزہ(اُردو پوائنٹ اخبارتازہ ترین - این این آئی۔ 06 اکتوبر2025ء) دہشت گرد اسرائیل کے نہتے فلسطینیوں پر وحشیانہ حملے جاری رہے۔صیہونی فورسز کے فضائی حملوں میں 24 گھنٹے کے دورن مزید 67 فلسطینی شہید اور 156 زخمی ہو گئے،غیرملکی میڈیا کے مطابق غذائی قلت کے باعث مزید ایک فلسطینی جان کی بازی ہار گیا۔

(جاری ہے)

غزہ میں شہدا کی مجموعی تعداد 67 ہزار 139 تک پہنچ گئی،،ایک لاکھ 69 ہزار 583 فلسطینی زخمی ہو چکے، ادھر اسرائیل نے فلسطینی فٹبال فیڈریشن کے ہیڈ کوارٹرز پر حملہ کیا جس کے باعث متعدد افراد زخمی ہوگئے۔