ایل ڈبلیو ایم سی کا دوران بارش کنٹینرز کلئیرنس اور ڈور ٹو ڈور ویسٹ کولیکشن کا عمل جاری رہا،ترجمان

پیر 6 اکتوبر 2025 19:00

لاہور (اُردو پوائنٹ اخبارتازہ ترین - اے پی پی۔ 06 اکتوبر2025ء) وزیر اعلی پنجاب مریم نواز کے ویژن ستھرا پنجاب پر عملدرآمد یقینی بنانے کے لیے ایل ڈبلیو ایم سی کی آپریشن ٹیمیں فیلڈ میں متحرک ہیں۔ ترجمان کے مطابق شہر میں ہونے والی بارش کے دوران موثر صفائی انتظامات کے لیے سی ای او بابر صاحب دین کی ہدایت پر ایل ڈبلیو ایم سی کے ورکرز شہر کی تمام شاہراہوں اورچوکنگ پوائنٹس پر الرٹ رہے اور ویسٹ کلیئرنس کو یقینی بنایا۔

جیل روڈ، مال روڈ، داتا دربار، سرکلر روڈ، ایک موریہ پل، دو موریہ پل، میکلوڈ روڈ پر صفائی آپریشن پر ورکرز تعینات رہے۔لکشمی چوک، شادمان مارکیٹ، گلبرگ، برکت مارکیٹ،ایوان تجارت، بیڈن روڈ بازار، ٹیمپل روڈ پرصفائی آپریشن ٹیمیں متحرک رہی۔شہر میں نصب ایل ڈبلیو ایم سی کے 7000 سے زائد ویسٹ کنٹینرز معمول کے مطابق کلیئر کیے گئے جبکہ لوڈر رکشوں کی مدد سے گھر گھر سے ویسٹ کولیکشن کا عمل بارش کے دوران بھی جاری رہا۔

(جاری ہے)

سی ای او نے کہا ہے کہ شہر کی صفائی میں کوتاہی کسی صورت قابل قبول نہیں،شہریوں کو صاف اور خوشگوار ماحول کی فراہمی ہی اولین ترجیح ہے۔انہوں نے کہا کہ شہریوں سے بھی گزارش ہے کہ صفائی سے متعلق شکایات کے ازالے کیلئے ایل ڈبلیو ایم سی کی ہیلپ لائن 1139 پر رابطہ کریں یا سوشل میڈیا کا استعمال کریں ۔