،چنیوٹ،لاکھوں روپے مالیت کے گمشدہ اور مسروقہ قیمتی موبائل فونز برآمد ‘ ڈی پی او آفس میں تقریب میں اصل مالکان کے حوالے

پیر 6 اکتوبر 2025 20:00

[ چنیوٹ (اُردو پوائنٹ اخبارتازہ ترین - آن لائن۔ 06 اکتوبر2025ء) وزیر اعلیٰ پنجاب محترمہ مریم نواز شریف کے وژن محفوظ پنجاب کے تحت عملی اقدامات کیے جار ہے ہیں۔ پولیس نے لاکھوں روپے مالیت کے گمشدہ اور مسروقہ قیمتی موبائل فونز برآمد کر لیے۔ اس حوالے سے ڈی پی او آفس میں تقریب کا انعقادکیا گیا۔ تقریب کے دوران ڈسٹرکٹ پولیس آفیسر عبداللہ احمد نے برآمدہ موبائل فون اصل مالکان کے حوالے کیے۔

(جاری ہے)

مختلف کمپنیوں کے 20 سے زائد موبائل فونز شہریوں کے حوالے کیے گئے۔ گمشدہ موبائل واپس ملنے پر شہریوں نے پولیس کا شکریہ ادا کیا اور دعائیں دیں۔ اس حوالے سے ڈسٹرکٹ پولیس آفیسر عبداللہ احمد کا کہنا تھا کہ جدید ٹیکنالوجی کا بہترین استعمال کر کے گمشدہ موبائل برآمد کیے جا رہے ہیں۔ شہریوں کے جان و مال کی حفاظت کو یقینی بنانے کیلئے تمام تر ضروری اقدامات کیے جا رہے ہیں۔ ان کا مزید کہنا تھا شہری کسی بھی ایمرجنسی صورت میں پولیس ہیلپ لائن 15 یا قریبی پولیس اسٹیشن رابط کر سکتے ہیں