پاکستان میں آنے والے تباہ کن زلزلے کو 20 برس ہوگئے

ْزلزلے میں 80 ہزار سے زائد افراد جاں بحق ہوئے ‘ آبادیاں ملبے کے ڈھیر میں تبدیل ہوگئی تھیں

بدھ 8 اکتوبر 2025 11:58

پاکستان میں آنے والے تباہ کن زلزلے کو 20 برس ہوگئے

اسلام آباد،مظفرآباد(اُردو پوائنٹ اخبارتازہ ترین - این این آئی۔ 08 اکتوبر2025ء) پاکستان میں آنے والے تباہ کن زلزلے کو 20 برس مکمل ہو گئے تاہم یہ امر افسوسناک ہے کہ آج بھی اس زلزلے کے بعض متاثرین کی شکایات اپنی جگہ موجود ہیں۔ 8 اکتوبر 2005 کو 7 اعشاریہ 6 شدت کے زلزلے سے آزاد کشمیر اور ہزارہ ڈویژن سمیت خیبر پختونخوا کے مختلف اضلاع میں وسیع پیمانے پر تباہی ہوئی تھی۔

(جاری ہے)

زلزلے میں 80 ہزار سے زائد افراد جاں بحق ہوئے تھے جبکہ آبادیاں ملبے کے ڈھیر میں تبدیل ہوگئی تھیں۔ ہنستے بستے شہر سیکنڈز میں اجڑ گئے تھے۔یاد رہے کہ مجموعی طور پر 28000 اسکوائر کلومیٹر کا علاقہ زلزلے کی زد میں آیا جس نے 400 گاؤں کو صفحہ ہستی سے مٹا دیا تھا۔ متاثرہ علاقوں میں 16 ہزار اسکول اور 80 فیصد صحت کے مراکز مکمل طور پر تباہ ہوئے تھے۔مشکل کی گھڑی میں پاکستان اور دوست ممالک نے بروقت ریسکیو اور ریلیف آپریشن کر کے زلزلہ متاثرین کو دوبارہ زندگی کی جانب لوٹانے میں بھر پور کردار ادا کیا۔