لاہور ، گاڑی میں سلنڈر پھٹنے سے چار سالہ بچی سمیت 2افراد جاں بحق، 3زخمی

صوبائی وزیر بلال یاسین موقع پر پہنچ گئے،متاثرین سے اظہار ہمدردی ، زخمیوں کو ہر ممکن طبی سہولیات فراہم کرنے کی ہدایت

بدھ 8 اکتوبر 2025 17:51

لاہور (اُردو پوائنٹ اخبارتازہ ترین - این این آئی۔ 08 اکتوبر2025ء) صوبائی دارالحکومت لاہور میں میاں منشی ہسپتال کے قریب گاڑی میں سلنڈر پھٹنے کے نتیجے میں 4سالہ بچی اور ڈرائیور جاں بحق اور تین افراد زخمی ہو گئے ،حادثے کی اطلاع ملتے ہی وزیر ہائوسنگ پنجاب بلال یاسین موقع پر پہنچ گئے،متاثرین سے اظہار ہمدردی ، واقعے کی تفصیلات بارے استفسار کیاجبکہ زخمیوں کو ہسپتال میں ہر ممکن طبی سہولیات فراہم کرنے کی ہدایت کی ۔

بتایا گیا ہے کہ میاں منشی ہسپتال لاہور کے قریب ابراہیم روڈ پر پک اپ گاڑی میں سلنڈر اتارتے پھٹ گیا جس کے نتیجے میں بچوں سمیت 5افراد زخمی ہو گئے ۔دھماکے کی آواز سے حلقہ عمائدین اور شہریوں کی کثیر تعداد جمع ہو گئی ۔ پولیس اور ریسکیو ٹیموں نے فوری طور پر زخمیوں کو طبی امداد کے لئے ہسپتال منتقل کیا جہاں چار سالہ بچی اور گاڑی کا ڈرائیور زخموں کی تاب نہ لاتے ہوئے دم توڑ گئے ۔

(جاری ہے)

ترجمان پولیس نے بتایا کہ جاں بحق ہونے والوں میں وین ڈرائیور اور ایک بچی شامل ہیں، تاہم بچی کی شناخت تاحال نہیں ہو سکی۔حادثے کی اطلاع ملتے ہی وزیر ہائوسنگ پنجاب بلال یاسین موقع پر پہنچ گئے جہاں انہوں نے متاثرین سے اظہار ہمدردی ، واقعے کی تفصیلات بارے استفسار کیا۔ اے سی سٹی رائے بابر نے حادثے کی تفصیلات اور زخمیوں کو دی جانے والی سہولیات بارے آگاہ کیا۔وزیر ہائوسنگ کی زخمیوں کو ہسپتال ہر ممکن طبی سہولیات فراہم کرنے کی ہدایت کی ۔ انہوں نے کہا کہ ضلعی انتظامیہ ایسے حادثات سے محفوظ رہنے کیلئے ایس او پیز پر عملدرآمد ازحد ضروری ہے ۔