کمرشل مارکیٹ کے تاجروں کا اجلاس، 13 اکتوبر کو یومِ شہدا منانے کا اعلان

شہدا ہمارے ماتھے کا جھومر ہیں، پاک فوج کے ساتھ کھڑے ہیں، ملک سہیل اعوان

جمعہ 10 اکتوبر 2025 22:00

راولپنڈی (اُردو پوائنٹ اخبارتازہ ترین - این این آئی۔ 10 اکتوبر2025ء) انجمن تاجران کمرشل مارکیٹ کا اجلاس زیر صدارت صدر ملک سہیل اعوان منعقد ہوا۔ اجلاس میں گروپ لیڈر نقی شاہ، سرپرست اعلی راجہ اسد، چیئرمین مشتاق مغل، وائس چیئرمین حماد قریشی، جنرل سیکرٹری راجہ ظفر یوسف، سمیت دیگر عہدیداران اور ارکان نے شرکت کی۔

(جاری ہے)

اجلاس میں پاک فوج کے شہدا کے لیے خصوصی دعا کی گئی اور 13 اکتوبر بروز سوموار رات 8 بجے کمرشل مارکیٹ میں یومِ شہدا منانے کا اعلان کیا گیا۔

تقریب کے مہمانِ خصوصی وفاقی وزیر ریلوے محمد حنیف عباسی ہوں گے۔ملک سہیل اعوان نے کہا کہ شہدا ہمارے ماتھے کا جھومر ہیں، جنہوں نے وطن کی حفاظت کے لیے اپنی جانیں نثار کیں۔ ہم پاک فوج کے شانہ بشانہ کھڑے ہیں۔ جو بھی پاکستان اور افواجِ پاکستان کے خلاف بولے گا، وہ ہمارا بدترین دشمن ہے۔ دشمنوں اور غداروں کی اس ملک میں کوئی جگہ نہیں۔انہوں نے کہا کہ تاجر برادری پاک فوج کے تمام آپریشنز کی مکمل حمایت کرتی ہے۔