ٹرمپ نوبیل انعام کے حقدار ہیں یا نہیں فیصلہ کرنا میرا کام نہیں، پیوٹن

جمعہ 10 اکتوبر 2025 22:00

دو شنبے (اُردو پوائنٹ اخبارتازہ ترین - این این آئی۔ 10 اکتوبر2025ء) روسی صدر پیوٹن نے کہا ہے کہ صدر ٹرمپ امن کے لیے بہت کچھ کرتے ہیں، یہ فیصلہ کرنا میرا کام نہیں کہ صدر ٹرمپ نوبیل انعام کے حقدار ہیں یا نہیں۔

(جاری ہے)

دوشنبے تاجکستان میں سی آئی ایس سربراہی اجلاس کے بعد نیوز کانفرنس سے خطاب کرتے ہوئے صدر پیوٹن نے کہا کہ صدر ٹرمپ کا امن منصوبہ کامیاب ہوتا ہے تو یہ ایک تاریخی واقعے سے کم نہیں ہوگا۔

پیوٹن نے کہا کہ روس غزہ میں جنگ کے خاتمے کیلئے صدر ٹرمپ کے اقدام کی حمایت کرتا ہے۔ روس سے امن عمل میں حصہ لینے کا مطالبہ کیا جاسکتا ہے، اس لیے کہ روس کے عرب ممالک اور خاص طور پر فلسطینیوں کے ساتھ اعتماد کے تعلقات ہیں۔روسی صدر نے کہا کہ کچھ ممالک جوہری ہتھیاروں کے تجربات پر غور کر رہے ہیں، اگر دیگر ممالک ایسا تجربہ کریں گے تو روس بھی ایسا کرنے کے لیے تیار ہوگا۔