نجی ایئر لائن کا فلائٹ آپریشن شدید متاثر، 6پروازیں منسوخ، 69تاخیر کا شکار

ہفتہ 11 اکتوبر 2025 14:27

لاہور (اُردو پوائنٹ اخبارتازہ ترین - این این آئی۔ 11 اکتوبر2025ء) نجی ایئر لائن کا فلائٹ آپریشن شدید متاثر ہونے کی وجہ سے پروازوں میں 20 گھنٹے تک تاخیر ہوگئی۔

(جاری ہے)

انتظامی مسائل کی وجہ سے نجی ایئر لائن کی ملک بھر کی 6پروازیں منسوخ اور 69تاخیر کا شکار رہیں، نجی ایئر لائن کی کراچی سے گوادر، ملتان، سکردو کی 5جبکہ اسلام آباد سے دبئی کی ایک پرواز منسوخ کردی گئی ۔فلائٹ شیڈول کے مطابق نجی ایئر لائن کی اسلام آباد کی 28پروازوں میں ایک سے 20گھنٹے تک تاخیر ہوئی ، اسلام آباد سے ریاض کی نجی ایئر لائن کی پرواز 20 گھنٹے تاخیر سے روانہ ہوئی ، کوئٹہ سے اسلام آباد کی قومی ایئر لائن کی 2پروازوں میں 7گھنٹے کی تاخیر ہوئی جس کے باعث مسافروںکو مشکلات کا سامنا کرنا پڑا ۔