Live Updates

پی ٹی آئی کا پشاور میں اہم اجلاس، وزیراعلی کے انتخاب سے متعلق مشاورت

ہفتہ 11 اکتوبر 2025 22:23

پشاور(اُردو پوائنٹ اخبارتازہ ترین - این این آئی۔ 11 اکتوبر2025ء) پشاور میں پی ٹی آئی کا اہم اجلاس منعقد ہواجس میں سہیل آفریدی کو وزیراعلی منتخب کرنے سے متعلق مشاورت کی گئی۔ پشاور میں صوبائی حکومت کا مشاورتی اجلاس ہوا جس میں پی ٹی آئی کے مرکزی رہنما بھی طلب کر لیے گئے۔ذرائع پی ٹی آئی پارلیمانی پارٹی نے کہا کہ بانی پی ٹی آئی کی جانب سے مرکزی اور صوبائی رہنماؤں کو ایک پیج پر ہونے کے احکامات جاری کیے گئے۔

(جاری ہے)

لیگل ٹیم سے وزیر اعلی کے انتخاب کے لئے مشاورت کی جائے گی، جنید اکبر، اسد قیصر، بابر سلیم سواتی کو خصوصی ٹاسک حوالے کردیا گیا۔ذرائع پارلیمانی پارٹی نے کہا کہ آئندہ 72 گھنٹوں میں وزیر اعلی کا انتخاب ہو جائیگا، حالیہ صورتحال میں اپوزیشن کی حکمت عملی کا بھی جائزہ لیا گیا۔اس کے علاوہ بیرون ملک سے کے پی حکومت کے ممبران صوبائی اسمبلی کو طلب کر لیا گیا، عارف احمد زئی ، نزیر عباسی ، تاج محمد ترند پاکستان پہنچ گئے، آصف محسود بھی وزیر اعلی کے انتخاب کے لئے بیرون ملک سے واپس آگئے۔حکومتی ٹیم میں شامل دو ایم پی اے تاحال بیرون ملک موجود ہیں، ایم پی ایز کو فوری واپسی کے لئے پیغام بھجوا دیا گیا، شیر علی ارباب بھی بیرون ملک سے واپس آگئے۔