جام کمال خان عالیانی فٹبال ٹورنامنٹ کا نوابزادہ جام محمد کمال خان نے بال کو کک لگا کر باقاعدہ افتتاح کردیا

ہفتہ 11 اکتوبر 2025 21:48

اوتھل (اُردو پوائنٹ اخبارتازہ ترین - این این آئی۔ 11 اکتوبر2025ء) پہلا آل ڈسٹرکٹ حب لسبیلہ نواب جام کمال خان عالیانی فٹبال ٹورنامنٹ کا جام یوسف فٹبال اسٹینڈم اوتھل میں وفاقی وزیر تجارت جام کمال خان کے فرزند نوابزادہ جام محمد کمال خان نے بال کو کک لگا کر باقاعدہ افتتاح کردیا میچ کے مہمان خصوصی نوابزادہ جام محمد کمال خان تھے گروانڈ آمد کے موقع پر مہمان خاص کو پھولوں کے ہار پہنا کر شاندار استقبال کیا گیا اور دونوں ٹیموں کے کھلاڑیوں سے تعارف کرایاگیا۔

اور گروپ فوٹو لیے گئے اس موقع پر ڈسٹرکٹ کونسل لسبیلہ کیچیئرمین سردار عبدالرشید پھورائی، چیئرمین میونسپل کمیٹی اوتھل سیدسومار شاہ کاظمی، اسپورٹس آفیسر لسبیلہ خدابخش بلوچ، حاجی عبدالستار جاموٹ سماجی رہنما ڈاکٹر عبدالحیکم لاسی پی ایس اعجاز علی ٹورنامنٹ آرگنائزر نزیز احمد شاہوک سرپرست اعلی حسین علی جاموٹ جاویدعظیم بلوچ کیپٹن محمداکرم خاصخیلی ظفرعزیز پیر نبی شاہ جیلانی انور گدور و دیگر قبائلی عمائدین اور سرکاری آفسران بھی موجود تھے اس موقع پر مہمان خاص نوابزادہ جام محمد کمال خان نے کہا ہے کہ جام خاندان نے کھیلوں کے فروغ میں ہمیشہ اہم کردار ادا کیا ہے انہوں نے کہا ہے کہ صحت مند معاشرے کیلئے کھیلوں کی سرگرمیاں اہمیت کے حامل ہیں جہاں کھیلوں کے میدان آباد ہوتے ہیں وہاں کی ہسپتال ویران ہوتے ہیں کھیلوں کی سرگرمیوں سے نوجوان نسل سماجی برائیوں سے بچ جاتی ہے انہوں نے کہا ہے کہ کھیلوں کے میدان کو آباد کرنا بہترین اقدام ہیں جو معاشرے میں سماجی برائیوں کے خاتمے کے لیے بہترین اقدام ہے نوجوانوں کو کھیلوں جانب راغب کرنے سے سماجی برائیوں کا خاتمہ ممکن ہے۔

(جاری ہے)