پاکستان نے ورچوئل مذاکرات میں آئی ایم ایف کو باقی ماندہ اہداف پر بھی عمل درآمد کی یقین دہانی کرادی

ہفتہ 11 اکتوبر 2025 22:00

اسلام آباد (اُردو پوائنٹ اخبارتازہ ترین - این این آئی۔ 11 اکتوبر2025ء) پاکستان نے ورچوئل مذاکرات میں آئی ایم ایف کو باقی ماندہ اہداف پر بھی عمل درآمد کی یقین دہانی کرادی۔ذرائع نے بتایا کہ حکومت پاکستان نے دوسرے اقتصادی جائزے کیلئے آئی ایم ایف سے ورچوئل مذاکرات کیے، وزارت خزانہ حکام کے آئی ایم ایف سے ورچوئلی مذاکرات کا سلسلہ جاری رہے گا۔

(جاری ہے)

ذرائع کے مطابق پاکستان نے آئی ایم ایف کے باقی ماندہ اہداف پر بھی عمل درآمد کی یقین دہانی کرادی ہے۔مذاکرات کے دوران میمورنڈم آف اکنامک اینڈ فنانشل پالیسیز ڈرافٹ پر تبادلہ خیال ہوا، پاکستان نے کرپشن اینڈ گورننس ڈائیگناسٹک اسسمنٹ رپورٹ پبلش کرنے کیلئے مہلت مانگ لی، کرپشن اینڈ گورننس ڈائیگناسٹک اسسمنٹ رپورٹ میں تبدیلیاں کرکے اسے پبلش کیا جائے گا۔آئی ایم ایف سے اسٹاف لیول معاہدہ ایم ای ایف پی پر اتفاق ہونے پر ہو گا، ایم ای ایف پی ڈرافٹ میں نرمی اور تبدیلیوں کیلئے آئی ایم ایف سے ایک پھر درخواست کی گئی ہے۔