ْقبضے میں لی گئی افغان پوسٹ پر طالبان سپاہی کی پاک فوج کے سامنے سرنڈرکی ویڈیو سامنے آگئی

ویڈیو میں افغان طالبان کو پاک فوج کے سامنے سرنڈر کرتے دیکھا جا سکتا ہے، رپورٹ جاری

اتوار 12 اکتوبر 2025 12:15

اسلام آباد(اُردو پوائنٹ اخبارتازہ ترین - این این آئی۔ 12 اکتوبر2025ء) پاکستان کی جانب سے قبضے میں لی گئی افغان پوسٹ پر طالبان سپاہی کی پاک فوج کے سامنے سرنڈر کرنے کی ویڈیو منظر عام پر آگئی۔سیکیورٹی ذرائع کے مطابق پاکستانی فورسز کی جانب سے افغانستان کی بلااشتعال فائرنگ پر رات گئے سے بھرپور اور مؤثر جوابی حملہ جاری ہے۔

(جاری ہے)

سیکیورٹی ذرائع کے مطابق پاکستان نے افغان بارڈر پر 19 پوسٹوں پر قبضہ کر لیا ہے ان پوسٹوں سے پاکستان پر حملے کیے جا رہے تھے۔

قبضہ کی جانے والی افغان پوسٹ پر طالبان سپاہی کی خود کو پاک فوج کے سامنے سرنڈر کرنے کی ویڈیو سامنے آگئی۔سیکیورٹی ذرائع کے مطابق ویڈیو میں افغان طالبان کو پاک فوج کے سامنے سرنڈر کرتے دیکھا جا سکتا ہے، بیشتر افغان طالبان پوسٹیں خالی چھوڑ کر بھاگ چکے ہیں۔