جموں ، سروس رائفل سے اچانک گولی چلنے سے ہیڈ کانسٹیبل زخمی

منگل 14 اکتوبر 2025 11:44

جموں (اُردو پوائنٹ اخبارتازہ ترین - اے پی پی۔ 14 اکتوبر2025ء) غیر قانونی طور پر بھارت کے زیر تسلط جموں و کشمیر کے شہر جموں میں بھارتی پولیس کا ایک ہیڈ کانسٹیبل اپنی سروس رائفل سے اچانک گولی چلنے سے شدیدزخمی ہو گیاہے۔

(جاری ہے)

کشمیر میڈیا سروس کے مطابق جموں کے علاقے گلشن گرائونڈ میںیہ واقعہ اس وقت پیش آیا جب پولیس اہلکار اپنی سروس رائفل صاف کر رہا تھا۔ اسے فوری طور پر گورنمنٹ میڈیکل کالج ہسپتال جموں منتقل کیا گیا ۔پولیس کے ترجمان نے میڈیا کو بتایاہے کہ ہیڈ کانسٹیبل سنجیو کمارگلشن گرائونڈ، گاندھی نگر جموں میں ڈیوٹی کے دوران اپنی سروس رائفل سے حادثاتی طور پرگولی چلنے سے زخمی ہو گیاہے ۔