ڈی جی پاکستان ایئرپورٹس اتھارٹی کی ای کچہری بدھ کو منعقد ہوگی

منگل 14 اکتوبر 2025 19:18

کراچی (اُردو پوائنٹ اخبارتازہ ترین - اے پی پی۔ 14 اکتوبر2025ء) ڈائریکٹر جنرل پاکستان ایئرپورٹس اتھارٹی کی ای کچہری (کل )بدھ کو 10 بجے پی اے اے ہیڈکوارٹرز کراچی میں ہوگی۔ منگل کو ترجمان پاکستان ائیرپورٹس اتھارٹی کے مطابق ڈی جی پاکستان ائیرپورٹس اتھارٹی اور ان کی ٹیم شکایات براہِ راست سنیں گے۔

(جاری ہے)

شکایت کنندگان ای کچہری میں براہِ راست شکایات درج کرا سکیں گے۔ شکایت میں نام، رابطہ نمبر، ایئرپورٹ کا نام اور تفصیل ضرور شامل کریں ،جہاں تک ممکن ہو معاون دستاویزی ثبوت بھی شکایت کے ساتھ فراہم کریں۔ ای کچہری ادارے کے فیس بک پیج پر براہِ راست نشر ہوگی۔تبصرے کے خانے میں مکمل معلومات کی فراہمی شکایت کے جلد ازالے میں معاون ثابت ہوتی ہے۔