Live Updates

پاکستان میں سہ فریقی سیریز سے افغانستان کی دستبرداری ، پی سی بی کا ردعمل بھی سامنے آگیا

پاکستان میں ٹرائی سیریز ٹی ٹونٹی ٹورنامنٹ 17 سے 29 نومبر تک شیڈولڈ ہے

ذیشان مہتاب ہفتہ 18 اکتوبر 2025 10:51

پاکستان میں سہ فریقی سیریز سے افغانستان کی دستبرداری ، پی سی بی کا ردعمل ..

لاہور (اردو پوائنٹ تازہ ترین اخبار ۔ 18 اکتوبر 2025ء ) افغانستان کرکٹ بورڈ کی جانب سے پاکستان میں ہونے والے سہ ملکی سیریز سے دستبرداری کے اعلان کے بعد پاکستان کرکٹ بورڈ کا ردعمل بھی سامنے آگیا۔

افغانستان کرکٹ بورڈ کی جانب سے جاری بیان میں کہا گیا ہے کہ افغانستان پاکستان میں نومبر میں ہونے والی ٹرائی نیشن سیریز میں شریک نہیں ہوگا۔

(جاری ہے)

افغانستان کرکٹ بورڈ کے بیان کے بعد پاکستان کرکٹ بورڈ نے بھی ایک بیان جاری کیا ہے جس میں کہا گیا ہے کہ ٹرائی نیشن ٹی ٹونٹی سیریز اپنے شیڈول کے مطابق ہو گی۔

ترجمان پی سی بی کا کہنا ہے کہ تیسری ٹیم کا آپشن دیکھا جا رہا ہے اور انتظامات جاری ہیں، اس حوالے سے فیصلہ بہت جلد کر دیا جائے گا۔

خیال رہے کہ پاکستان میں ٹرائی سیریز ٹی ٹونٹی ٹورنامنٹ 17 سے 29 نومبر تک شیڈولڈ ہے۔

ٹرائی سیریز میں پاکستان اور سری لنکا کی ٹیمیں شامل ہیں۔