ضمنی انتخابات میں کامیاب امیدواروں کے نوٹیفکیشن جاری

طلال چوہدری کے بھائی بلال بدر کانوٹیفیکیشن روک دیا گیا. رپورٹ

میاں محمد ندیم جمعرات 27 نومبر 2025 17:28

ضمنی انتخابات میں کامیاب امیدواروں کے نوٹیفکیشن جاری

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔27 نومبر ۔2025 ) الیکشن کمیشن آف پاکستان نے ضمنی انتخابات میں کامیاب امیدواروں کے نوٹیفکیشن جاری کردئیے ہیںالیکشن کمیشن نے قومی اسمبلی کی نشستوں پر کامیاب ہونے والے5اور صوبائی اسمبلی کی نشستوں پر کامیاب ہونے والے 7امیدواروں کے نوٹیفکیشن جاری کردئیے الیکشن کمیشن نے این اے 18 ہری پور سے بابر نواز خان، این اے 104 فیصل آباد سے دانیال احمد، این اے 129 لاہور سے محمد نعمان، این اے 143 سے محمد طفیل اور این اے 185 سے محمود قادر خان کی کامیابی کا نوٹیفکیشن جاری کردیا.

(جاری ہے)

الیکشن کمیشن کے مطابق این اے 96فیصل آباد سے طلال چوہدری کے بھائی بلال بدر کامیاب ہوئے ہیں تاہم ضابطہ اخلاق کی خلاف ورزی پر ان کی کامیابی کا نوٹیفکیشن روکا گیا ہے اس کے علاوہ الیکشن کمیشن نے صوبائی اسمبلی پنجاب کی نشستوں پرکامیاب 7 امیدواروں کا نوٹیفکیشن بھی جاری کیا ہے. نون لیگ کے ضمنی انتخابات میں قومی اسمبلی کی تمام 6 اور پنجاب اسمبلی کی 7 میں سے 6 سیٹوں پر امیدوار کامیاب ہوئے الیکشن کمیشن نے پی پی 73 سے میاں سلطان علی ، پی پی 87 سے علی حیدر نور ، پی پی 98 سے آزاد علی تبسم، پی پی 115 سے محمد طاہر پرویز ، پی پی 116 سے احمد شہریار، پی پی 203 سے محمد حنیف اور پی پی 206 میاں علمدار عباس سے کی کامیابی کا نوٹیفکیشن جاری کردیا.

واضح رہے کہ قومی اور صوبائی اسمبلی کی نشستوں پر کامیاب ہونے والوں میں 12 سے امیدواروں کا تعلق پاکستان مسلم لیگ نون اور ایک امیدوار کا تعلق پیپلز پارٹی سے ہے.