گیاری کے شہدا کو سلام ، ان کی عظیم قربانی ہمیشہ ہمارے دلوں میں تازہ رہے گی،نگران وزیر اعلیٰ جی بی

منگل 7 اپریل 2026 14:38

گلگت (اُردو پوائنٹ اخبارتازہ ترین - اے پی پی۔ 07 اپریل2026ء) نگران وزیر اعلیٰ گلگت بلتستان (جی بی)جسٹس (ر)یار محمد نے کہا ہے کہ پوری قوم گیاری کے شہدا کو سلام پیش کرتی ہے، ان کی عظیم قربانی ہمیشہ ہمارے دلوں میں تازہ رہے گی۔

(جاری ہے)

سانحہ گیاری سیاچن کے 14 سال مکمل ہونے پر جاری بیان میں نگران وزیر اعلیٰ نے کہا کہ 7 اپریل 2012ء کو گیاری کے مقام پر برفانی تودہ گرنے سے پاک فوج کے 129 افسران اور جوانوں نےجامِ شہادت نوش کیا تھا، ان شہدا کی عظیم قربانی آج بھی ہمارے دلوں میں تازہ ہے۔

انہوں نے کہا کہ مادرِ وطن کے دفاع کی خاطر جانوں کا نذرانہ پیش کرنے والے پاک فوج کے شہدا ہمارے اصل ہیرو ہیں، ملکی دفاع اور سلامتی کے لیے افواجِ پاکستان کی لازوال قربانیوں پر پوری قوم انہیں سلام پیش کرتی ہے۔ان کا کہنا تھا کہ آج کے دن ہم گیاری سیکٹر کے شہدا کو بھرپور خراجِ عقیدت پیش کرتے ہوئے عہد کرتے ہیں کہ ان کی عظیم قربانی ہمیشہ ہمارے دلوں میں تازہ رہے گی۔\932