شہری مسائل کے حل کے لئے کراچی انتظامیہ کے اقدامات اور کارروائیاں

اقبال پلازہ ناگن چورنگی پر تمام تجاوزات کا خاتمہ، 20 پیشہ ور گداگر گرفتار پولیس کے حوالے ایل پی جی گیس قوانین پر عملدرامدکے لئے ائر پورٹ سب ڈویژن میں کارروائی جرمانہ

بدھ 8 اپریل 2026 21:15

کراچی (اُردو پوائنٹ اخبارتازہ ترین - این این آئی۔ 08 اپریل2026ء) کمشنر کراچی سید حسن نقوی کی ہدایت پر ڈپٹی کمشنرز اپنے اپنے ضلع میں روڈ سائڈ تجاوزات، غیر محفوظ ایل پی جی کی غیر قانونی فروخت، پیشہ وار گداگروں سمیت مخلف شہری مسائل کے حل کے لئے اقدامات اور کارروائیاں کر رہے ہیں۔ بدھ کو جاری کر دہ کمشنر کراچی افس ہینڈ اوٹ میں کہا گیا ہے کہ اسسٹنٹ کمشنرز روزانہ کی بنیاد پر مختلف شہری مسائل کے بارے میں کارروائیاں کر رہے ہیں۔

ڈپٹی کمشنر شرقی نصراللہ عباسی نے کمشنر کراشع کو ایک رپورٹ میں پیشہ ور گداگروں کے خلاف مہم کی رپورٹ پیش کی ہے جس میں انھون نے بتایا ہے کہ اسسٹنٹ کمشنر فیروزاباد نے سب ڈویژن فیروزاباد میں 20 پیشہ ور گداگروں کو گرفتار کرکے پولیس کے حوالے کر دیا۔

(جاری ہے)

جبکہ ڈپٹی کمشنر ملیر سمیع اللہ شیخ نے کمشنر کراچی کو ضلع غیر قانونی طور پر غیر محدفوظ ایل پی جی گیس سلنڈرز کی فروخت کے خلاف کی جانے والی کارروائی کی رپورٹ پیش کی ہے جس کے مطابق اسسٹنٹ کمشنر ائرپورٹ عبدالباسط نے ائر پورٹ سب ڈویژن میں مختلف ایل پی جی گیس سلنڈر ز کی فروخت کا معائنہ کیا۔

دو دکانوں میں ایس او پی خلاف ورزی پر دس ہزار روپے جرمانہ عاید کیا اور تبنیہ کی تمام ایس او پیز پر مکمل عمل کیا جاے دوبارہ وہ چیک کریں گے خلاف ورزی پائی گئی تو بھاری جرمانہ عاید ہوگا اور دکان سیل کر دی جائے گی۔ڈپہٹی کمشنر وسطی طحہ سلیم نے کمشنر کراچی کو ضلع وسطی میں جاری روڈ سائڈ تجاوزات کے خلا ف مہم کی رپورٹ پیش کی ہے جس کے مطابق اسسٹنٹ کمشنر حمیر احمد نے نارتھ ناظم اآباد میں ناگن چورنگی کے قریب واقع اقبال پلازہ پر ٹریفک کے لئے رکاوٹ بننے والی تجاوزات کے خلاف بھرپور کارروائی کی تمام تجاوزات کو ہٹادیا گیا بلدیہ عظمی اور پولیس کے تعاون سے کارروا کی گئی۔

کمشنر کراچی سید حسن نقوی نے ڈپٹی کمشنرز کو ہدایت کی ہے کہ وہ شہرمیں ٹریفک روانی بہتر بنانے، تجاوزات اور، غیر قانونی پارکنگ کی روک تھام کے لئے کوششیں جاری رکھیں انھوں نے کہا کہ پیشہ ور گداگروں کی روک تھام کے لئے بھی اقدامات کریں یقینی بنائیں کہ وہ چوراہوں اور مارکیٹوں کے اطراف نظر نہ ائیں۔