Live Updates

غیرمنطقی مطالبات پورے کرنے پر مجبور نہیں کیا جاسکتا، ایرانی سفیر

جب تک ایران کی بحری ناکہ بندی جاری ہے، اختلافات موجود رہیں گے،رضا امیری مقدم

پیر 20 اپریل 2026 19:29

غیرمنطقی مطالبات پورے کرنے پر مجبور نہیں کیا جاسکتا، ایرانی سفیر

اسلام آباد(اُردو پوائنٹ اخبارتازہ ترین - این این آئی۔ 20 اپریل2026ء) پاکستان میں ایران کے سفیر رضا امیری مقدم نے کہا ہے کہ ایران کو غیرمنطقی مطالبات پورے کرنے پر مجبور نہیں کیا جاسکتا۔

(جاری ہے)

ایک بیان میں انہوں نے کہا کہ بین الاقوامی قانون کی مسلسل خلاف ورزی کر کے ناکہ بندی کر کے ایران کو مزید جنگی جرائم کی دھمکیاں دے کر اسے غیر منطقی مطالبات پورے کرنے پر مجبور نہیں کیا جا سکتا۔انہوںنے کہاکہ نہ ہی ایسا کیا جاسکتا ہے کہ وقفے وقفے سے فصاحت و بلاغت کے جوہر دکھا کر یہ دعویٰ کیا جائے کہ ہم سفارت کاری کا راستہ اختیار کیے ہوئے ہیں۔رضا امیری مقدم نے کہا کہ جب تک ایران کی بحری ناکہ بندی جاری ہے، اختلافات موجود رہیں گے۔