مودی کی ناقص پالیسیوں کے باعث منی پورمیں کشیدگی برقرار

جمعرات 16 اپریل 2026 17:45

اسلام آباد (اُردو پوائنٹ اخبارتازہ ترین - اے پی پی۔ 16 اپریل2026ء) مودی حکومت کی انتہا پسندانہ پالیسیوں کیخلاف عوام میں شدید غم و غصہ پایا جاتا ہے اورعلیحدگی پسند تحریکیں عروج پر پہنچ گئی ہیں،بھارت کے اپنے ذرائع ابلاغ نےمودی سرکار کے منی پور کے عوام پر کیے جانے والے مظالم کا پردہ چاک کر دیا ۔

(جاری ہے)

بھارتی میڈیا انڈیا ٹو ڈے کے مطابق منی پور کے ضلع بشنوپور میں دوبارہ فسادات پھوٹ پڑے، حالات شدید کشیدہ ہوگئے، بھارتی قابض فورسز سے شدید جھڑپوں کے دوران متعدد افراد زخمی ہو گئے، مقامی افراد نے بھارتی فورسز کو علاقے میں جانے سے روکا جس پر جھڑپیں ہوئیں، منی پور کے عوام نے بھارتی قابض فورسز کی 2گاڑیوں کو آگ لگادی جبکہ فوجیوں کو بھی یرغمال بنالیا۔

بھارتی نیوز ایجنسی اے این آئی کےمطابق منی پور میں شدید کشیدگی سے خوف و ہراس پھیل گیا،بھارتی فورسز کی جانب سے شدید شیلنگ بھی کی گئی ۔عالمی ماہرین کے مطابق منی پور کشیدگی پر مودی سرکار نہ صرف خاموش تماشائی بنی ہوئی ہے بلکہ سیاسی مقاصد کیلئے نسلی فسادات کو مزید ہوا دےرہی ہے،ہندوستانی فوج اپنے مذموم مفادات کی خاطر عام شہریوں کے جان ومال کو نشانہ بنانے والی دہشت گرد تنظیم کا بھیانک روپ دھار چکی ہے۔