ڈسٹرکٹ ویسٹ پولیس کا منشیات و گٹکا فروشوں کے خلاف کریک ڈاؤن، 10ملزمان گرفتار

اتوار 26 اپریل 2026 21:10

کراچی(اُردو پوائنٹ اخبارتازہ ترین - این این آئی۔ 26 اپریل2026ء) ڈسٹرکٹ ویسٹ پولیس نے منشیات اور گٹکا فروشوں کے خلاف کریک ڈاؤن کے دوران 10 ملزمان کو گرفتار کرلیا۔

(جاری ہے)

ایس ایس پی ویسٹ طارق الہی مستوئی کے مطابق کارروائیاں انٹیلیجنس اور خفیہ اطلاعات کی بنیاد پر مختلف علاقوں میں کی گئیں، جن کے نتیجے میں 2 منشیات فروش اور 8 گٹکا فروش پکڑے گئے۔گرفتار ملزمان میں 3 اورنگی ٹان، 2 مومن آباد، 3 پاکستان بازار اور 2 پیرآباد کے علاقوں سے گرفتار کیے گئے۔پولیس نے ملزمان کے قبضے سے 49 گرام آئس، 192 پڑیاں تیار گٹکا ماوا، 10 کلو چھالیہ اور نقدی رقم برآمد کی۔پولیس حکام نے کہا کہ ملزمان کے خلاف مقدمات درج کرکے تفتیش شروع کردی گئی ہے جبکہ کریک ڈائون مزید جاری رہے گا۔