Live Updates

پنجاب ہائی وے پٹرول گوجرانوالہ ریجن کی ماہ اپریل کی کارکردگی رپورٹ جاری

پیر 4 مئی 2026 19:39

گوجرانوالہ (اُردو پوائنٹ اخبارتازہ ترین - اے پی پی۔ 04 مئی2026ء) پنجاب ہائی وے پٹرول گوجرانوالہ ریجن کی ماہ اپریل کی شاندار کارکردگی مختلف جرائم میں ملوث ملزمان کے خلاف 382 مقدمات درج کروائے گئے۔ ماہ اپریل میں ریجن بھر میں پی ایچ پی نے جدید پولیس ایپ کے ذریعے 553762 افراد اور494313 گاڑیوں کو چیک کیا دوران چیکینگ 38 اشتہاری مجرمان کو گرفتار کیا۔

دورانِ چیکنگ 29 عدالتی مفروران کو بھی گرفتار کیا گیا۔پی ایچ پی نے ماہ اپریل میں 04 چوری شدہ کاریں اور 38 چوری شدہ موٹر سائیکل برآمد کیے ۔ ٹریفک قوانین کی خلاف ورزی پر 36737 گاڑیوں کے چالان بھی کیے گئے۔ دورانِ سفر مشکلات کے شکار 7370 مسافروں کو مختلف نوعیت کی مدد و راہنمائی فراہم کی۔13گمشدہ بچوں کو انکے والدین سے ملوایا گیا۔

(جاری ہے)

مختلف حادثات میں مضروب ہونیوا لے 65 افراد کو ابتدائی طبی امداد فراہم کی گئی۔

ماہ اپریل میں پی ایچ پی نے ہائی ویز پرمنشیات سپلائر سے 07 لیٹر شراب برآمد کر کے قانونی کاروائی کی۔مسافر گاڑیوں میں غیر قانونی ایل پی جی سلنڈر استعمال کرنے والوں کے خلاف 146 مقدمات درج کروائے۔ شہریوں کی سہولت کے لیے 1432 موٹر سائیکل کے ڈرائیونگ لائسنس بھی جاری کیے گئے۔ خدمت مرکز سے 2302 افراد کو پولیسنگ خدمات فراہم کی گئیں شاہرات پر شہریوں سے نازیبا گفتگو اور کرپشن کسی بھی صورت برداشت نہیں کی جائے گی، ان کی جان ومال کے تحفظ اور راہنمائی کیلئے جذبہ خدمت کے تحت فرائض ادا کئے جائیں۔عوام کے جان و مال کا تحفظ اور بے لوث خدمت پی ایچ پی کا نصب العین ہے۔\378