وزیراعظم کی متحدہ عرب امارات میں میزائل و ڈرون حملوں کی مذمت، جنگ بندی کا احترام کرنے پر زور

منگل 5 مئی 2026 16:29

اسلام آباد (اُردو پوائنٹ اخبارتازہ ترین - این این آئی۔ 05 مئی2026ء) وزیر اعظم محمد شہباز شریف نے متحدہ عرب امارات میں میزائل و ڈرون حملوں کی شدید مذمت کرتے ہوئے جنگ بندی کا احترام کرنے پر زور دیتے ہوئے کہاہے کہپاکستان اس مشکل وقت میں اپنے اماراتی بھائیوں اور بہنوں کے ساتھ ساتھ متحدہ عرب امارات کی حکومت کے ساتھ مضبوطی سے کھڑا ہے۔

(جاری ہے)

منگل کو ایکس پر اپنے پیغام میں وزیر اعظم محمد شہباز شریف نے کہا کہ پاکستان گزشتہ رات متحدہ عرب امارات میں شہری انفراسٹرکچر پر ہونے والے میزائل اور ڈرون حملوں کی شدید مذمت کرتا ہے۔

انہوں نے متحدہ عرب امارات کے صدر محمد بن زاید النہیان کے ساتھ مکمل یکجہتی کا اظہار کرتے ہوئے کہا کہ پاکستان اس مشکل وقت میں اپنے اماراتی بھائیوں اور بہنوں کے ساتھ ساتھ متحدہ عرب امارات کی حکومت کے ساتھ مضبوطی سے کھڑا ہے۔ انہوں نے کہا کہ یہ انتہائی ضروری ہے کہ جنگ بندی کو برقرار رکھا جائے اور اس کا احترام کیا جائے، تاکہ مذاکرات کے لیے ضروری سفارتی گنجائش پیدا ہو سکے، جو خطے میں دیرپا امن اور استحکام کی طرف لے جائے۔