معرکہ حق میں پاکستان کی شاندار فتح صرف ایک عسکری کامیابی نہیں بلکہ ایمان، اتحاد اور قومی یکجہتی کی درخشاں مثال ہے، شیری رحمان

جمعرات 7 مئی 2026 22:20

اسلام آباد(اُردو پوائنٹ اخبارتازہ ترین - آن لائن۔ 07 مئی2026ء) پاکستان پیپلز پارٹی کی نائب صدر شیری رحمان نے معرکہ حق کی پہلی سالگرہ کے موقع پر مسلح افواج کے تمام شعبوں کو زبردست خراجِ تحسین پیش کرتے ہوئے کہا ہے کہ معرکہ حق میں پاکستان کی شاندار فتح صرف ایک عسکری کامیابی نہیں بلکہ ایمان، اتحاد اور قومی یکجہتی کی درخشاں مثال ہے۔اپنے بیان میں شیری رحمان نے کہا کہ اس تاریخی لمحے نے واضح کر دیا کہ جب ایک قوم اپنے نظریے، مقصد اور سرزمین کے دفاع کے لیے سیسہ پلائی ہوئی دیوار بن جائے تو کوئی طاقت اسے جھکا نہیں سکتی۔

انہوں نے کہا کہ پاکستان کی بہادر افواج کے ساتھ ساتھ پاک فضائیہ کے شاہینوں نے بھی جس مہارت، جرات اور برق رفتاری کا مظاہرہ کیا، اس نے دشمن کی برتری کے تمام دعوؤں کو خاک میں ملا دیا اور فضاؤں میں پاکستان کی طاقت کا لوہا منوایا۔

(جاری ہے)

شیری رحمان نے کہا کہ آج پاکستان دنیا کی توجہ کا مرکز بنا ہوا ہے اور اس عظیم کامیابی کا راز معرکہ? حق میں حاصل ہونے والی شاندار فتح ہے۔

انہوں نے کہا کہ قوم اپنے شہدائ کو سلام پیش کرتی ہے جن کی قربانیوں نے اس کامیابی کو ممکن بنایا۔انہوں نے مزید کہا کہ یہ کامیابی ہمیں یاد دلاتی ہے کہ اصل قوت ہمارے اتحاد، ایمان اور اجتماعی شعور میں ہے۔ شیری رحمان نے عہد کیا کہ پاکستان کی سلامتی، خودمختاری اور وقار کے لیے پوری قوم ہمیشہ متحد رہے گی۔انہوں نے اپنے پیغام کے اختتام پر کہا کہ پاکستان ہمیشہ زندہ باد۔